اسقاربەك ەرتاەۆ 2026 جىلعى 17 اقپاندا قازاقستان رەسپۋبليكاسى ۇكىمەتى وتىرىسىندا حالىق پەن پرەزيدەنتكە ادال قىزمەت ەتۋگە انت بەردى، دەپ حابارلايدى "ادىرنا" ۇلتتىق پورتالى.
ولجاس بەكتەنوۆ اسقاربەك ەرتاەۆتى جاڭا لاۋازىممەن قۇتتىقتاپ، “قازاقستان رەسپۋبليكاسىنىڭ ۇكىمەتى تۋرالى” زاڭعا سايكەس انت قابىلداۋىن ءوتىندى.
ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان اسقاربەك ەرتاەۆ سالتاناتتى تۇردە انت بەرىپ، ءوز سوزىندە:
"حالىق پەن پرەزيدەنت الدىندا ءوز وتانىمنىڭ ەكونوميكالىق جانە رۋحاني دامۋىنا بار كۇش-جىگەرىم مەن ءبىلىمىمدى ارناۋعا، كونستيتۋتسيا مەن مەملەكەت زاڭدارىن قاتاڭ ساقتاۋعا، بارلىق ءىس-ارەكەتىمدە زاڭدىلىق پەن ادىلدىك، ازاماتتىق، ۇلتارالىق جانە كونفەسسياارالىق كەلىسىم قاعيداتتارىن ۇستانۋعا، قازاقستان حالقىنا ادال قىزمەت ەتۋگە، مەملەكەتتىلىكتى نىعايتىپ، ەلىمىزدىڭ الەمدىك قوعامداستىقتاعى بەدەلىن ارتتىرۋعا انت ەتەمىن. انت ەتەمىن!" – دەدى.
