Asqarbek Ertaev 2026 jylǧy 17 aqpanda Qazaqstan Respublikasy Ükımetı otyrysynda halyq pen Prezidentke adal qyzmet etuge ant berdı, dep habarlaidy "Adyrna" ūlttyq portaly.
Oljas Bektenov Asqarbek Ertaevty jaŋa lauazymmen qūttyqtap, “Qazaqstan Respublikasynyŋ Ükımetı turaly” zaŋǧa säikes ant qabyldauyn ötındı.
Eŋbek jäne halyqty äleumettık qorǧau ministrı bolyp taǧaiyndalǧan Asqarbek Ertaev saltanatty türde ant berıp, öz sözınde:
"Halyq pen Prezident aldynda öz Otanymnyŋ ekonomikalyq jäne ruhani damuyna bar küş-jıgerım men bılımımdı arnauǧa, Konstitusiia men memleket zaŋdaryn qataŋ saqtauǧa, barlyq ıs-äreketımde zaŋdylyq pen ädıldık, azamattyq, ūltaralyq jäne konfessiiaaralyq kelısım qaǧidattaryn ūstanuǧa, Qazaqstan halqyna adal qyzmet etuge, memlekettılıktı nyǧaityp, elımızdıŋ älemdık qoǧamdastyqtaǧy bedelın arttyruǧa ant etemın. Ant etemın!" – dedı.
