بەلگىلى جۋرناليست دياس نۇراقىن الماتى وبلىسى اكىمىنىڭ ءباسپاسوز حاتشىسى، ءباسپاسوز قىزمەتىنىڭ باسشىسى بولىپ تاعايىندالدى، دەپ حابارلايدى «ادىرنا» ءتىلشىسى.
بۇعان دەيىن بۇل قىزمەتتى جاننا ارىنبەكوۆا اتقارعان بولاتىن.
دياس ەرمەكۇلى 1987 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن.
2006-2007 جىلدارى مەملەكەتارالىق «مير» تەلەارناسىندا اۋدارماشى-رەداكتور، 2007-2008 جىلدارى كتك تەلەارناسىنداعى «رەپورتەر»، «الاڭ جۇرت» باعدارلاماسىندا رەداكتور;
2008-2009جىلدارى رەسپۋبليكالىق «جاس قازاق» گازەتىندە ارناۋلى ءتىلشى قىزمەتتەرىن اتقارعان.
2009-2015 جىلدارى رەسپۋبليكالىق «جەتىنشى ارنانىڭ» جاڭالىقتار قىزمەتىندە ءتىلشى، 2015-2016 جىلدارى «كتك» تەلەارناسىنىڭ جاڭالىقتار ءتىلشىسى، «اپتاپ» اقپاراتتىق ساراپتاما باعدارلاماسىنىڭ شىعارۋشى-رەداكتورى بولعان.
2016 جىلدان باستاپ «كتك» تەلەارناسى جاڭالىقتار قىزمەتىنىڭ ايماقتارداعى قوسىنىنىڭ رەداكتورى لاۋازىمدارىن اتقارعان.
