SpaceX كومپانياسىنىڭ Falcon 9 زىمىران تاسىعىشى عالامدىق ينتەرنەت جەلىسىن قامتاماسىز ەتەتىن Starlink جۇيەسىنە ارنالعان 24 شاعىن سپۋتنيكتى وربيتاعا شىعاردى.
بۇل – بيىلعى جىلى جۇزەگە اسىرىلعان 13-ءشى Starlink ۇشىرىلىمى.
زىمىران كاليفورنياداعى ۆاندەنبەرگ بازاسىنداعى SLC-4E ۇشىرۋ الاڭىنان ۇشىرىلدى. ۇشىرىلىم بارىسىندا Falcon 9 زىمىرانىنىڭ ءبىرىنشى كوپ مارتەلى ساتىسى، 23-ءشى رەت پايدالانىلعان، تىنىق مۇحيتىنداعى Of Course I Still Love You اتتى تەڭىزدەگى درون-پلاتفورماعا ءساتتى قوندى.
شامامەن ءبىر ساعاتتان كەيىن تاسىمالداعىشتىڭ ەكىنشى ساتىسىنان بولىنگەن سپۋتنيكتەر ءوز وربيتاسىنا جەتتى.
SpaceX كومپانياسى بۇل قادام ارقىلى Starlink جۇيەسىنىڭ وربيتالىق توپتاماسىن كەڭەيتىپ، عالامدىق ينتەرنەت قامتىلۋىن ارتتىرۋدى جوسپارلاپ وتىر.
ۇقساس جاڭالىقتار
