Foto: Roskosmos
İrandyq «Jam-e Jam 1» telekommunikasiialyq sputnigı beisenbı künı Reseidıŋ «Proton-M» zymyran-tasyǧyşy arqyly Baiqoŋyr ǧaryş ailaǧynan orbitaǧa şyǧaryldy, dep habarlaidy "Adyrna".
İrandyq BAQ būl oqiǧany keŋınen jariialady. Aqparatqa säikes, būl sputnik İran üşın geostasionarlyq orbitada qoǧamdyq habar taratuǧa arnalǧan alǧaşqy qūrylǧy bolyp sanalatyny atap körsetılgen. «Jam-e Jam 1» irandyq memlekettık teledidar habarlaryn taratu infraqūrylymynda maŋyzdy röl atqarady dep kütılude.
Jeltoqsan aiynyŋ soŋynda Reseidıŋ «Soiuz-2.1b» zymyran-tasyǧyşy İran, Belarus jäne Ekvador sputnikterın orbitaǧa şyǧardy. Būdan bölek ǧaryşqa taǧy 50 apparat jıberıldı. Olardyŋ ışınde reseilık ūiymdardyŋ ǧylymi-tehnikalyq sputnikterı, sondai-aq Mäskeu, Sankt-Peterburg, Samara, Nijnii Novgorod, Amur oblystary men Iаkutiiada jasalǧan bılım beru sputnikterı bar.
Būl sputnikter Jerdı qaşyqtyqtan zondtau, elektromagnittık säulelenudı zertteu, Mirovoi mūhittaǧy keme qatynasyn baqylau, «zattardyŋ internetı» qūrylǧylarynyŋ signaldaryn qabyldau, sondai-aq ǧaryştyŋ tırı organizmderge äserın zertteu maqsatynda paidalanylady.
