قارجى مونيتورينگ اگەنتتىگىنىڭ الماتى قالاسىنداعى دەپارتامەنتى تاعى ءبىر زاڭسىز ينۆەستيتسيانىڭ جولىن كەستى: بۇل جولى ازاماتتاردى 8 جىل بويى الداپ كەلگەن ازامات قولعا ءتۇستى، دەپ حابارلايدى "ادىرنا".
«كۇدىكتى 2013–2021 جىلدار ارالىعىندا «Partners & Consultants» اتتى ء«ومىردى ساقتاندىرۋ» جوباسى ارقىلى ءومىردى ساقتاندىرۋ باعدارلامالارى مەن جيناقتاۋشى ساقتاندىرۋ سالىمدارىنا ينۆەستيتسيا سالۋعا بولادى دەگەن سىلتاۋمەن ازاماتتاردىڭ اقشاسىن يەمدەنىپ وتىرعان. دالىرەك ايتساق، ول ازاماتتاردان العان اقشانىڭ ۇستىنە 12% سىياقى قوسىپ بەرەمىن دەپ، اقشالارىن وزىنە باعىناتىن «Evroasia Global Investment» اق جانە «Evropa Investment» جشس ششوتتارىنا سالدىرىپ وتىرعان»، - دەپ حابارلايدى قما.
اڭقاۋ حالىقتى سەندىرە ءتۇسۋ ءۇشىن ول ولاردىڭ قولدارىنا ويدان جاساپ شىعارعان حالىقارالىق ساقتاندىرۋ باعدارلاماسى مەن جالعان سەرتيفيكاتتاردى ۇستاتىپ وتىرعان.
«سول سەرتيفيكاتتارعا سەنگەن 270 ازامات 620 ملن تەڭگەسىن سالعان. ال، كۇدىكتى ول اقشانى قولما-قول اقشاعا اينالدىرىپ، قىمبات كولىك پەن قىمبات ءۇي ساتىپ العان»، - دەپ حابارلايدى قما.
قازىر كۇدىكتى قاماۋدا.
