ناۋرىزدىڭ 18-ءى كۇنى الماتىدا وق اتقان اتىشۋلى ءىس بويىنشا الدىن الا تەرگەۋلەر باستالدى. مەملەكەتتىك ايىپتاۋشى دۋجنوۆتىڭ ءوزىن وتباسىمەن بىرگە ۇيىنەن قۋىپ شىقپاق بولعان بەس ادامدى قالاي ولتىرگەنىنىڭ جاي-جاپسارىن ايتتى، دەپ حابارلايدى "ادىرنا" سايتى كتك تەلەارناسىنا سىلتەمە جاساپ.
سوتتالۋشى يگور دۋجنوۆ ءىستى القابيلەردىڭ قاراۋىنان باس تارتتى.
قر باس پروكۋراتۋراسى قىلمىستىق قۋدالاۋ قىزمەتىنىڭ اعا پروكۋرورى شىڭعىسحان پۋسۋرمانوۆ دۋجنوۆتىڭ بەس ادامدى قالاي اتقانىن ايتىپ بەردى.
«جاعدايدى پايدالانىپ، مەديتسينا قىزمەتكەرلەرىنە قاقپانى اشقان سوت ورىنداۋشىسى ابەنوۆ، ءۇيدىڭ جاڭا يەسى تۇرعانوۆ، ادۆوكاتتىڭ كومەكشىسى ساكەنوۆ، بوكەنوۆتىڭ قامقورشى وكىلى، كۋاگەر رەتىندە ساكوۆا مەن بەكتاشۇلى اۋلاعا كىردى.
بۇل كەزدە دۋجنوۆ وتباسىن ۇيدەن قۋىپ شىعۋدىڭ مۇمكىن ەمەس ەكەنىن ايتىپ، ولارعا جەك كورىنىشپەن قاراپ، الدىن الا جوسپارلانعان ويعا كوشتى. دۋجنوۆ گاراجعا كىرىپ، اتىس ءۇشىن الدىن الا دايىندالعان، 10 وقتان تۇراتىن ۆەكتور-307 كارابينىن الدى»، - دەدى مەملەكەتتىك ايىپتاۋشى.
تەرگەۋ سونىمەن قاتار دۋجنوۆتىڭ ءوز اۋلاسىندا بولعان ادامداردى قابىرعاعا ءتىزىلىپ تۇرۋعا ماجبۇرلەگەنىن، كەيىن ولاردى بىرىنەن سوڭ ءبىرىن اتا باستاعانىن انىقتادى.
سودان كەيىن ول سىرتقا شىعىپ، سول جەردە تۇرعان پوليتسياعا وق جاۋدىردى، بىراق ولار كولىكتىڭ ارتىنا جاسىرىنىپ ۇلگەردى. ءتارتىپ ساقشىلارىنىڭ ءبىرى وق اتقان ادامدى زالالسىزداندىرىپ ۇلگەردى.
بارلىعى دۋجنوۆ كارابيننەن 10 رەت وق اتسا، ونىڭ توعىزىن نەبارى سەگىز سەكۋندتا اتتى.
«جەردە جاتقان دەنەلەردى كورىپ، ءوزىنىڭ ءىس-ارەكەتىمەن قالاعان ناتيجەگە قول جەتكىزگەنىن بىلگەن دۋجنوۆ ولتىرۋگە سەبەپ بولعان باسقا ادامداردى ىزدەي باستادى. باسپالداقتا تۇرىپ، بوس وق ماگازينىن بەس اينالىممەن جابدىقتالعان وق ماگازينىنىە اۋىستىرىپ، كارابيندى قايتا وقتاي باستادى.
وسى كەزدە اۋلاعا جۇگىرگەن ابدۋلين دۋجنوۆقا جۇگىرىپ بارىپ، كارابيندى تارتىپ الماق بولدى، وسىلايشا دۋجنوۆتىڭ ادامدارعا وق اتۋدى جالعاستىرۋىنا جول بەرمەدى»، - دەدى شىڭعىسحان پۋسۋرمانوۆ سوتتا.
دۋجنوۆقا «كىسى ءولتىرۋ» جانە «بيلىك وكىلىنە كۇش قولدانۋ» دەگەن ەكى باپ بويىنشا ايىپ تاعىلىپ وتىر.
2021 جىلدىڭ 20 قىركۇيەگىندە ساعات 17.00 شاماسىندا الماتى قالاسى، الاتاۋ اۋدانى، اقبۇلاق ىقشاماۋدانىندا جەكە ۇيلەردىڭ بىرىندە كوشىرۋ تۋرالى سوت بۇيرىعىن ورىنداۋ بارىسىندا 54 جاستاعى جالعا الۋشى تۇرعىن ۇيگە وق جاۋدىرعان.
بەس ادام، ونىڭ ىشىندە قىزمەتتەن تىس ەكى پوليتسيا قىزمەتكەرى وق قۇشىپ، مەرت بولدى.
كۇدىكتى ارنايى جاساق بولىمشەسىنىڭ جاۋىنگەرلەرىنىڭ قاتىسۋىمەن ۇيدە ايەلدەر مەن بالالار بولعاندىقتان قارۋ قولدانباي زالالسىزداندىرىلىپ، ۇستالدى.
قايتىس بولعانداردىڭ اراسىندا ءبىر سوت ورىنداۋشىسى، سونداي-اق سارايدىڭ جاڭا قوجايىنى مەن ونىڭ دوسى بار.
قىلمىسكەردىڭ ايەلى بانك ولاردىڭ مۇلكىن زاڭسىز تارتىپ العانىن ايتتى. ال «بانك تسەنتركرەديت» اق قىزمەتكەرلەرى بۇل ءىستىڭ ءمان-جايىن انىقتادى.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قايعىلى وقيعاعا قاتىستى مالىمدەمە جاسادى. مەملەكەت باسشىسى بانكتەردىڭ كەپىلدىك ساياساتىن جانە باعالاۋ قىزمەتىن رەتتەۋدى جەتىلدىرۋ قاجەتتىگىن ايتتى.
باستى سوت وتىرىسى 29 ناۋرىزعا بەلگىلەنگەن.
"ادىرنا" ۇلتتىق پورتالى
