قازاقستان ارنايى ماقساتتاعى بولىمشەلەرى كوماندالارى UAE SWAT Challenge (دۋباي، ءباا) حالىقارالىق ءتۋرنيرىنىڭ ءبىرىنشى كۇنىن جەڭىسپەن اياقتادى.
48 مەملەكەتتىڭ 109 ارنايى جاساق كوماندالارى ىشىنەن توپ جارعان ەلىمىزدىڭ ءتورت كومانداسى دا ۇزدىك وندىق قۇرامىندا.
Kazakhstan C كومانداسى تۋرنير كەستەسىندە ءبىرىنشى تۇر. ەكىنشى ورىندا - Kazakhstan D. Kazakhstan ۆ تۋرنير كەستەسىندە ءتورتىنشى ورىندا تۇر. Kazakhstan ا ونىنشى ورىندا.
ەلىمىزدىڭ Tomiris قىزدار كومانداسى جالپى ەسەپتە 20-ورىندا، بۇل ايەلدەر اراسىنداعى ۇزدىك كورسەتكىش.
كوماندالار قۇرامىندا ءبىر تۋ استىنا قر مەملەكەتتىك كۇزەت قىزمەتى، قر ۇلتتىق قاۋىپسىزدىك كوميتەتى، قر ىشكى ىستەر مينيسترلىگى ارنايى ماقساتتاعى بولىمشەلەرىنىڭ ۇزدىك جاۋىنگەرلەرى بىرىككەن.
بەس كۇندىك سايىستان تۇراتىن تۋرنير 11 اقپاندا اياقتالادى.
