قازاقستاننىڭ ۇلتتىق مۇناي وپەراتورى «قازترانسويل» مۇناي باعاسىن كوتەرمەك، دەپ حابارلايدى "ادىرنا" ۇلتتىق پورتالى.
1 ناۋرىزدان باستاپ قازاقستان اۋماعى ارقىلى وزبەكستانعا ترانزيتپەن جەتكىزىلەتىن رەسەيلىك مۇنايدى تاسىمالداۋ قۇنىن ارتتىرادى.
جاڭا تاريفكە سايكەس، تاسىمالداۋ قۇنى 0,12 اقش دوللارىنا (0,4 پايىزعا) ءوسىپ، قوسىلعان قۇن سالىعىن ەسەپتەمەگەندە 1 توننا ءۇشىن 28,02 دوللاردى قۇرايدى.
رەسەي مۇنايىن قازاقستان ارقىلى وزبەكستانعا ماگيسترالدى مۇناي قۇبىرلارى جۇيەسىمەن ايداۋ 2017 جىلى باستالعان. مۇناي ومبى – پاۆلودار – شىمكەنت باعىتى بويىنشا شاعىر مۇناي قۇيۋ پۋنكتىنە دەيىن جەتكىزىلىپ، كەيىن تەمىرجول تسيستەرنالارىنا قۇيىلىپ، تەمىرجول ارقىلى وزبەكستانعا جونەلتىلەدى.
كومپانيا وتكەن جىلدىڭ جەلتوقسان ايىندا رەسەي مۇنايىنىڭ وزبەكستانعا ءترانزيتىن قايتا جانداندىرعان بولاتىن. 2025 جىلدىڭ قاڭتار-قىركۇيەك ايلارى ارالىعىندا رەسەي قازاقستان ارقىلى وزبەكستانعا 7,5 ملن توننا مۇناي جەتكىزگەن.
