الماتى قالاسىندا كوميۋنيتي-ورتالىقتار جاستاردى بىرىكتىرەتىن زاماناۋي كەڭىستىكتەر رەتىندە قارقىندى دامىپ كەلەدى. بۇگىندە بۇل ورتالىقتار ءبىلىم الۋ، شىعارماشىلىقپەن اينالىسۋ، ءوزىن-ءوزى دامىتۋ جانە قوعامدىق بەلسەندىلىكتى ارتتىرۋعا ارنالعان ماڭىزدى پلاتفورمالارعا اينالدى.
قالانىڭ بارلىق اۋداندارىندا ورنالاسقان كوميۋنيتي-ورتالىقتاردا الماتىلىق جاستار تەگىن ءبىلىم بەرۋ كۋرستارىنا، شەبەرلىك ساباقتارىنا، كاسىپكەرلىك پەن مەدياساۋاتتىلىق بويىنشا ترەنينگتەرگە قاتىسىپ، ۆولونتەرلىك جوبالارعا، ەكولوگيالىق اكتسيالارعا، مادەني جانە سپورتتىق ءىس-شارالارعا بەلسەنە ارالاسۋدا. مۇندا جاستاردىڭ soft skills داعدىلارىن دامىتۋعا، باستامالارىن قولداۋعا جانە الەۋمەتتىك ماڭىزى بار جوبالارعا تارتۋعا ەرەكشە كوڭىل بولىنەدى.
كوميۋنيتي-ورتالىقتار جاستار، ساراپشىلار جانە قالالىق قۇرىلىم وكىلدەرى اراسىنداعى اشىق ديالوگ الاڭىنا اينالۋدا. كەزدەسۋلەر، فورسايت-سەسسيالار مەن اشىق تالقىلاۋلار بارىسىندا جاستار الماتىنىڭ دامۋىنا قاتىستى ءوز ۇسىنىستارىن ءبىلدىرىپ، ستارتاپ جوبالارىن تانىستىرىپ، قالالىق كۇن ءتارتىبىن قالىپتاستىرۋعا اتسالىسۋدا. بۇل ءتاسىل جاستاردىڭ الەۋەتىن اشۋمەن قاتار، ولاردى قالانى باسقارۋ ۇدەرىستەرىنە تارتۋعا مۇمكىندىك بەرەدى.
سونىمەن قاتار ۆولونتەرلىك قوزعالىستى دامىتۋ — ورتالىقتاردىڭ نەگىزگى باعىتتارىنىڭ ءبىرى. كوميۋنيتي-ورتالىقتار بازاسىندا ەكو-بەلسەندىلەر، مەديا-ۆولونتەرلەر مەن قوعامدىق كومەكشىلەر كوماندالارى قۇرىلىپ، ولار قالالىق سەنبىلىكتەرگە، پروفيلاكتيكالىق رەيدتەرگە، الەۋمەتتىك جانە ەكولوگيالىق باستامالارعا قاتىسۋدا. بۇل جاستار اراسىندا ازاماتتىق جاۋاپكەرشىلىك پەن بەلسەندى ومىرلىك ۇستانىمدى قالىپتاستىرۋعا ىقپال ەتەدى.
زاماناۋي ينفراقۇرىلىم، اشىق اتموسفەرا جانە ءتۇرلى فورماتتاعى باعدارلامالار كوميۋنيتي-ورتالىقتاردى مەكتەپ وقۋشىلارى، ستۋدەنتتەر جانە جۇمىس ىستەيتىن جاستار اراسىندا كەڭىنەن تانىمال ەتۋدە. مۇندا ءار جاس ءوز قىزىعۋشىلىعىنا ساي باعىتتى — كرەاتيۆتى يندۋستريالاردان باستاپ IT, سپورت پەن قوعامدىق قىزمەتكە دەيىن تابا الادى.
كوميۋنيتي-ورتالىقتار جەلىسىنىڭ دامۋى الماتى قالاسىنىڭ جاستار ساياساتىنا جۇيەلى كوزقاراسىن كورسەتەدى. بۇل – جاستاردىڭ ءوزىن-ءوزى جۇزەگە اسىرۋىنا قولايلى ورتا قالىپتاستىرۋ، تالانتتاردى قولداۋ جانە بەلسەندى ازاماتتار قاۋىمداستىعىن دامىتۋعا باعىتتالعان ماڭىزدى قادام. بۇگىندە بۇل كەڭىستىكتەر يدەيالار تۋىندايتىن، الەۋمەتتىك بايلانىستار نىعايا تۇسەتىن جانە الماتىنى جاستار ءۇشىن مۇمكىندىكتەر قالاسى رەتىندە تانىتاتىن باستى تارتىلىس نۇكتەلەرىنە اينالىپ وتىر.
