Foto:AFP VIA GETTY IMAGES
AQŞ-tyŋ Şekaralyq patrul qyzmetınıŋ (USBP) qyzmetkerlerı senbı künı Minneapolis qalasynda 37 jastaǧy AQŞ azamaty Aleks Prettidı atyp öltırdı. Oqiǧa İmmigrasiia jäne keden qyzmetı (ICE) qyzmetkerı Rene Gudtyŋ ölımınen keiın üş aptaǧa jetpei oryn alyp, qalada jaŋa narazylyq tolqynyn tuǧyzdy, dep habarlaidy "Adyrna" portaly VVS-ge sıltep.
Bilık mälımetınşe, Aleks Pretti Minneapoliste tūrǧan jäne jergılıktı ardagerler auruhanasynda medbike bolyp jūmys ıstegen.
AQŞ-tyŋ Işkı qauıpsızdık ministrlıgı (DHS) marqūmnyŋ janynda 9 millimetrlık jartylai avtomatty tapanşa bolǧanyn jäne federaldyq agentter ony qarusyzdandyruǧa äreket jasaǧan kezde qarsylyq körsetkenın mälımdedı.
Alaida Minnesota ştatynyŋ gubernatory Tim Uolz oqiǧa ornyndaǧy beinejazbalar būl nūsqanyŋ şyndyqqa janaspaitynyn körsetetının aitty.
Minneapolis merı Djeikob Frei baspasöz mäslihatynda zaŋsyz köşı-qonǧa qarsy operasiialardy synǧa alyp, olardyŋ saldaryna alaŋdauşylyq bıldırdı.
Öz kezegınde, Işkı qauıpsızdık ministrı Kristi Noem qala jäne ştat basşylyǧyn «zaŋ būzǧandardyŋ jaǧyna şyqty» dep aiyptady. Al AQŞ prezidentı Donald Tramp Minneapolis pen Minnesota bilıgın «bülıkke itermeleu» dep baǧalady.
Oqiǧanyŋ barlyq män-jaiy tergelıp jatyr.
