الماتىدا جەكەمەنشىك مەكتەپتىڭ 11-سىنىپ وقۋشىسى سۋيتسيد جاسادى. الەۋمەتتىك جەلىدە 17 جاستاعى قىزدىڭ قايتىس بولعانى تۋرالى اقپارات تارادى. قايعىلى وقيعا الماتىداعى “باكالاۆريات” اتتى جەكەمەنشىك مەكتەپتە بولعان، دەپ حابارلايدى “ادىرنا”.
جەلىدە ءجاسوسپىرىم مۇنداي قادامعا مەكتەپ ديرەكتورى مەن ديرەكتور ورىنباسارىنان ۇرىس ەستىگەننەن كەيىن بارعانىن جازىپ جاتىر. قىزدىڭ مەكتەپ شىعارىلعانى ايتىلعان. بۇعان وقۋشىنىڭ 1 قىركۇيەككە مەكتەپ فورماسىن كيىپ كەلمەگەنى، كوزىنە قىزىل لينزا تاعىپ كەلگەنى سەبەپ بولعان دەپ جازدى.
الماتى پوليتسيا دەپارتامەنتى ءجاسوسپىرىمنىڭ سۋيتسيد جاساعانىنا قاتىستى تەرگەۋ جۇرگىزىلىپ جاتقانىن حابارلادى.
«اتالعان فاكت بويىنشا مەدەۋ اۋداندىق پوليتسيا باسقارماسى قىلمىستىق كودەكستىڭ ء«وزىن-ءوزى ولتىرۋگە جەتكىزۋ» بابى بويىنشا قىلمىستىق ءىس قوزعادى. وقيعانىڭ ءمان-جايى انىقتالىپ جاتىر»، – دەپ حابارلادى پوليتسيا.
