Fukuok – Ekaterinburg baǧytymen ūşqan SCAT Airlines äue kompaniiasynyŋ reisındegı jolauşylar Taraz äuejaiynda kıdırıp qaldy, dep habarlaidy «Adyrna» tılşısı.
Ūşaq Qazaqstanǧa josparly türde janarmai qūiu üşın qonǧan. Jolauşylardyŋ aituynşa, būl prosess şamamen bır saǧatqa ǧana sozyluy kerek bolǧan. Alaida reis bırneşe ret keiınge şegerılgen. Nätijesınde 217 adam äuejaida ıs jüzınde qamalyp qalǧan. Olardyŋ arasynda balalar da bar.
Jolauşylar äue kompaniiasynyŋ ökılderı ūzaq uaqyt boiy naqty tüsınıkteme bere almaǧanyn, al «jedel jelıde» eşkım jauap bermegenın mälımdedı.
Qūjat boiynşa qabyldauşy tarap Resei bolǧandyqtan, adamdarǧa tranzit aimaǧynan şyǧyp, Qazaqstan aumaǧyna kıruge tyiym salynǧan.
SCAT Airlines baspasöz qyzmetı būl jaǧdaiǧa qatysty tüsınıkteme berdı.
«Ūşaqty ūşuǧa daiyndau barysynda qosymşa tehnikalyq qyzmet körsetu qajettılıgı anyqtaldy. Kütu kezınde jolauşylarǧa üş ret tamaq berıldı. Sonymen qatar salqyn jäne ystyq susyndar, körpeler taratyldy. Barlyq tehnikalyq jūmys aiaqtaldy, äue kemesı reistı oryndauǧa daiyndalyp jatyr», — delıngen habarlamada.
Äue kompaniiasy jolauşylardan keltırılgen qolaisyzdyqtar üşın keşırım sūrady.
