قازاقستان پرەزيدەنتى مەملەكەتتىك كەڭەسشى لاۋازىمى جويىلاتىنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل جايلى قىزىلوردادا ءوتىپ جاتقان ۇلتتىق قۇرىلتايدا ءمالىم بولدى.
«قولدانىستاعى پارلامەنتتىڭ قىزمەتىن قامتاماسىز ەتەتىن اپپاراتتىق قۇرىلىمداردىڭ ءبىر بولىگى، سونداي-اق مەملەكەتتىك كەڭەسشى لاۋازىمى جويىلۋعا ءتيىس»، – دەدى پرەزيدەنت. وسى تۇسىن ايتىپ بولا بەرە جانىندا وتىرعان مەملەكەتتىك كەڭەسشى ەرلان قارينگە ءبىر قارادى. «I am really sorry» (مەنى كەشىر), – دەپ كۇلدى پرەزيدەنت.
مەملەكەتتىك كەڭەسشىنىڭ مارتەبەسى مەن وكىلەتتىكتەرى تۋرالى جارلىققا پرەزيدەنت توقاەۆ 2022 جىلعى ماۋسىمدا قول قويعان ەدى. قۇجاتقا سايكەس، مەملەكەتتىك كەڭەسشى – پرەزيدەنت قىزمەتكە تاعايىندايتىن جانە قىزمەتتەن بوساتاتىن قازاقستان رەسپۋبليكاسىنىڭ لاۋازىمدى تۇلعاسى. بۇل قىزمەتتى ەرلان قارين اتقارىپ كەلەدى.
