«اۋىل ايناسى» اۋداندىق قوعامدىق-ساياسي گازەتىنىڭ 95 جىلدىق مەرەيتويى اياسىندا «مەن وقىعان 30 كىتاپ» جوباسىنىڭ رەسپۋبليكالىق كەزەڭىنىڭ تانىستىرىلىمى ءوتتى.
ايتۋلى شاراعا اۋدان اكىمى اسلانبەك سارقۇلوۆ، اسلانبەك سارقۇلوۆ، اقىن، «پاراسات» وردەنىنىڭ يەگەرى، قر مادەنيەت جانە ءبىلىم بەرۋ سالاسىنىڭ ۇزدىگى، «ەرەن ەڭبەگى ءۇشىن» جانە ى.التىنسارين مەدالدارىنىڭ يەگەرى، «الاش» حالىقارالىق ادەبي سىيلىعىنىڭ يەگەرى، «كازتالوۆ اۋدانىنىڭ قۇرمەتتى ازاماتى»، قر جازۋشىلار وداعىنىڭ بقو فيليالىنىڭ ءتورايىمى داريعا مۇشتانوۆا، «جايىق پرەسس» جشس باس ديرەكتورىنىڭ كەڭەسشىسى توقتار كەنجەعاليەۆ، رەداكتورلار مەن جۋرناليستەر، زيالى قاۋىم وكىلدەرى، بىرقاتار اۋداننىڭ ىشكى ساياسات ءبولىمىنىڭ باسشىلارى قاتىستى.
2024 جىلى اتىراۋدا وتكەن ۇلتتىق قۇرىلتايدا مەملەكەت باسشىسى «كىتاپ وقيتىن ۇلت» قالىپتاستىرۋ قاجەتتىگىنە باسا نازار اۋدارعان بولاتىن. «شىن مانىندە، وزىق ويلى ۇلت بولۋدىڭ ەڭ توتە جولى – كىتاپ وقۋ. سوندىقتان كىتاپ وقۋ مادەنيەتىن قوعامدا بارىنشا ورنىقتىرۋىمىز كەرەك»، - دەدى قاسىم-جومارت كەمەلۇلى. پرەزيدەنتتىڭ باستاماسى قوعامدا قولداۋعا يە بولىپ، اۋدان اكىمى اسلانبەك سارقۇلوۆتىڭ باستاماسىمەن كازتالوۆ اۋدانىندا مەكتەپ وقۋشىلارى اراسىندا «مەن وقىعان 30 كىتاپ» جوباسى ۇيىمداستىرىلدى. وتكەن جىلى رۋحاني جوبانىڭ العاش رەت وبلىستىق كەزەڭى ۇيىمداستىرىلدى. باس جۇلدەنى شىڭعىرلاۋلىق ايزەرە جاۋمباي يە بولىپ، 300 مىڭ تەڭگە قارجىلاي سىيلىققا يە بولدى. بيىل بايقاۋدىڭ وبلىستىق كەزەڭى شىڭعىرلاۋ اۋدانىندا وتەدى دەپ جوسپارلانسا، «مەن وقىعان 30 كىتاپ» ءى رەسپۋبليكالىق بايقاۋى كازتالوۆتا وتپەك.
- مەملەكەت باسشىسى ۇلتتىق قۇرىلتايدىڭ ءىىى وتىرىسىندا سويلەگەن سوزىندە قوعامدا كىتاپ وقۋ مادەنيەتىن قالىپتاستىرۋعا ەرەكشە ءمان بەرگەن بولاتىن. اۋدانىمىزدا جاس بۋىننىڭ زەيىنىن ارتتىرۋ، سانالى ۇرپاق تاربيەلەۋ ماقساتىندا اتالعان بايقاۋدى ۇيىمداستىرىپ، بۇگىندە اۋقىمىن كەڭەيتۋدى جوسپارلاپ وتىرمىز. بيىل بايقاۋدىڭ وبلىستىق كەزەڭىن شىڭعىرلاۋ ادۋانىندا وتكىزۋ جونىندەگى ۇسىنىستى قولداعانى ءۇشىن ارىپتەسىم، اۋدان اكىمى مۇرات ومىراليەۆكە شىنايى ريزاشىلىعىمدى بىلدىرەمىن. بايقاۋدىڭ سالتاناتتى تۇردە باستالۋىمەن شىن جۇرەكتەن قۇتتىقتاي وتىرىپ، بيىل رەسپۋبليكالىق كەزەڭنىڭ جەڭىمپازىنا 1 ملن تەڭگە قارجىلاي سىياقى بەرىلەتىنىن اتاپ وتكىم كەلەدى، - دەدى اۋدان اكىمى.
يگى باستامانى قازاقستان رەسپۋبليكاسىنىڭ وقۋ-اعارتۋ مينيسترلىگى، مادەنيەت جانە اقپارات مينيسترلىگى، باتىس قازاقستان وبلىسى اكىمدىگى، «AMANAT» پارتياسى جانە «Adyrna» ۇلتتىق پورتالى قولداپ وتىرعانىن اتاپ وتكەن ءجون.
سالتاناتتى شارادا ءسوز العان داريعا عازەزقىزى جۋرناليستەر قاۋىمىن اتالعان بايقاۋدى كەڭىنەن ناسيحاتتاۋعا ۇندەپ، رۋحانياتتى تۋ ەتكەن جاس ۇرپاققا ساتتىلىك تىلەدى.
ايتا كەتەيىك، وتكەن جىلى ءبىلىمدى شىڭداعان رۋحاني بايقاۋدىڭ وبلىستىق كەزەڭىنە تەرەكتى، تاسقالا، قاراتوبە، جانىبەك، بوكەي وردا، شىڭعىرلاۋ، جاڭاقالا، بايتەرەك، اقجايىق، كازتالوۆ اۋداندارى مەن ورال قالاسىنان 15 وقۋشى قاتىستى.
