«Auyl ainasy» audandyq qoǧamdyq-saiasi gazetınıŋ 95 jyldyq mereitoiy aiasynda «Men oqyǧan 30 kıtap» jobasynyŋ respublikalyq kezeŋınıŋ tanystyrylymy öttı.
Aituly şaraǧa audan äkımı Aslanbek Sarqūlov, Aslanbek Sarqūlov, aqyn, «Parasat» ordenınıŋ iegerı, QR Mädeniet jäne bılım beru salasynyŋ üzdıgı, «Eren eŋbegı üşın» jäne Y.Altynsarin medaldarynyŋ iegerı, «Alaş» halyqaralyq ädebi syilyǧynyŋ iegerı, «Kaztalov audanynyŋ qūrmettı azamaty», QR Jazuşylar Odaǧynyŋ BQO filialynyŋ töraiymy Dariǧa Mūştanova, «Jaiyq Press» JŞS bas direktorynyŋ keŋesşısı Toqtar Kenjeǧaliev, redaktorlar men jurnalister, ziialy qauym ökılderı, bırqatar audannyŋ ışkı saiasat bölımınıŋ basşylary qatysty.
2024 jyly Atyrauda ötken Ūlttyq qūryltaida Memleket basşysy «kıtap oqityn ūlt» qalyptastyru qajettıgıne basa nazar audarǧan bolatyn. «Şyn mänınde, ozyq oily ūlt boludyŋ eŋ töte joly – kıtap oqu. Sondyqtan kıtap oqu mädenietın qoǧamda barynşa ornyqtyruymyz kerek», - dedı Qasym-Jomart Kemelūly. Prezidenttıŋ bastamasy qoǧamda qoldauǧa ie bolyp, audan äkımı Aslanbek Sarqūlovtyŋ bastamasymen Kaztalov audanynda mektep oquşylary arasynda «Men oqyǧan 30 kıtap» jobasy ūiymdastyryldy. Ötken jyly ruhani jobanyŋ alǧaş ret oblystyq kezeŋı ūiymdastyryldy. Bas jüldenı şyŋǧyrlaulyq Aizere Jaumbai ie bolyp, 300 myŋ teŋge qarjylai syilyqqa ie boldy. Biyl baiqaudyŋ oblystyq kezeŋı Şyŋǧyrlau audanynda ötedı dep josparlansa, «Men oqyǧan 30 kıtap» I respublikalyq baiqauy Kaztalovta ötpek.
- Memleket basşysy Ūlttyq qūryltaidyŋ III otyrysynda söilegen sözınde qoǧamda kıtap oqu mädenietın qalyptastyruǧa erekşe män bergen bolatyn. Audanymyzda jas buynnyŋ zeiının arttyru, sanaly ūrpaq tärbieleu maqsatynda atalǧan baiqaudy ūiymdastyryp, bügınde auqymyn keŋeitudı josparlap otyrmyz. Biyl baiqaudyŋ oblystyq kezeŋın Şyŋǧyrlau aduanynda ötkızu jönındegı ūsynysty qoldaǧany üşın ärıptesım, audan äkımı Mūrat Ömırälievke şynaiy rizaşylyǧymdy bıldıremın. Baiqaudyŋ saltanatty türde bastaluymen şyn jürekten qūttyqtai otyryp, biyl respublikalyq kezeŋnıŋ jeŋımpazyna 1 mln teŋge qarjylai syiaqy berıletının atap ötkım keledı, - dedı audan äkımı.
İgı bastamany Qazaqstan Respublikasynyŋ Oqu-aǧartu ministrlıgı, Mädeniet jäne aqparat ministrlıgı, Batys Qazaqstan oblysy äkımdıgı, «AMANAT» partiiasy jäne «Adyrna» ūlttyq portaly qoldap otyrǧanyn atap ötken jön.
Saltanatty şarada söz alǧan Dariǧa Ǧazezqyzy jurnalister qauymyn atalǧan baiqaudy keŋınen nasihattauǧa ündep, ruhaniiatty tu etken jas ūrpaqqa sättılık tıledı.
Aita keteiık, ötken jyly bılımdı şyŋdaǧan ruhani baiqaudyŋ oblystyq kezeŋıne Terektı, Tasqala, Qaratöbe, Jänıbek, Bökei Orda, Şyŋǧyrlau, Jaŋaqala, Bäiterek, Aqjaiyq, Kaztalov audandary men Oral qalasynan 15 oquşy qatysty.
