قىتايدىڭ سولتۇستىك-باتىسىنداعى شەنسي پروۆينتسياسىندا اۆتوكولىك كوپىرىنىڭ ءبىر بولىگى وپىرىلىپ، 11 ادام قازا تاپتى، - دەپ حابارلايدى “ادىرنا” ۇلتتىق پورتالى سينحۋا اگەنتتىگىنە سىلتەمە جاساپ.
شانلۋونىڭ جاشۋي ۋەزىندە ورنالاسقان كوپىر 19 شىلدە، جۇما كۇنى كەشكى ساعات 20:40 شاماسىندا كەنەتتەن جاۋعان جاڭبىر مەن سۋ تاسقىنى سالدارىنان قۇلادى، دەپ حابارلادى جەرگىلىكتى بيلىك.
سەنبى كۇنى تاڭەرتەڭگى ساعات 10:00-دە قۇتقارۋشىلار وزەنگە قۇلاعان بەس كولىكتى تاپتى. قازىر قۇتقارۋ جۇمىستارى ءجۇرىپ جاتىر.
قىتاي ورتالىق تەلەارناسى 30 ادامنىڭ ءىز-ءتۇزسىز جوعالعانىن مالىمدەدى.
