قىرعىزستاندا ەسىرتكىنىڭ زاڭسىز اينالىمىنا قارسى باعىتتالعان ءىرى ارنايى وپەراتسيا اياقتالدى. قىرعىز رەسپۋبليكاسى ءىىم-ءنىڭ ەسىرتكى بيزنەسىنە قارسى كۇرەس قىزمەتىنىڭ قىزمەتكەرلەرى قۇرامىنا قىرعىزستان، قازاقستان، رەسەي جانە تاجىكستان ازاماتتارى كىرگەن حالىقارالىق قىلمىستىق توپتى ۇستادى، دەپ حابارلايدى «ادىرنا» ۇلتتىق پورتالى 24kg سايتىنا سىلتەمە جاساپ.
بارلىعى جەتى ادام قاماۋعا الىندى، تاعى ءبىر كۇدىكتى حالىقارالىق ىزدەۋگە جاريالاندى. تەرگەۋ نۇسقاسىنا سايكەس، ۇستالعاندار اۋعانستاننىڭ ەسىرتكىسىن اسا ءىرى كولەمدە كونتراباندا رەتىندە ساتىپ وتىرعان. جۇك قىرعىزستان اۋماعى ارقىلى ترانزيتپەن تاسىمالدانىپ، قازاقستاندا دا ەسىرتكىنىڭ تارالۋ قاۋپىن تۋدىرعان.
ءتىنتۋ بارىسىندا كۇدىكتىلەردىڭ ۇيلەرىنەن، اۆتوكولىكتەرىنەن جانە جاسىرىن قويمالارىنان جالپى سالماعى 136 كيلوگرامم 855 گرامم ەسىرتكى زاتتارى تابىلىپ، تاركىلەندى، ونىڭ ىشىندە:
- 20 كيلوگرامنان استام اپيىن،
- 116 كيلوگرامنان استام گاشيش.
سونداي-اق قۇقىق قورعاۋ ورگاندارى دوللار، سوم، وزبەك سومى جانە رۋبل تۇرىندەگى ءىرى كولەمدەگى قولما-قول اقشانى تاركىلەدى.
ەسىرتكىنى تاسىمالداۋ جانە ساقتاۋ ءۇشىن پايدالانعان التى اۆتوكولىك قىرعىز ۇكىمەتىنىڭ پايداسىنا تاركىلەندى.
