قر پرەمەر-ءمينيسترىنىڭ ورىنباسارى — مادەنيەت جانە اقپارات ءمينيسترى ا.ع. بالاەۆانىڭ بۇيرىعىمەن داۋەشوۆ نۇرعيسا مۇراتۇلى «جامبىل اتىنداعى قازاق مەملەكەتتىك اكادەميالىق فيلارمونياسى» رەسپۋبليكالىق مەملەكەتتىك قازىنالىق كاسىپورنىنىڭ ديرەكتورىنىڭ م.ا. لاۋازىمىنا تاعايىندالدى.
ن. داۋەشوۆ — مادەنيەت سالاسىنىڭ بىلىكتى مامانى، داۋلەسكەر كۇيشى، «قازاقستاننىڭ ەڭبەك سىڭىرگەن قايراتكەرى».
نۇرعيسا مۇراتۇلى ەڭبەك جولىندا كوپ جىلدار بويى قۇرمانعازى اتىنداعى ۇلتتىق وركەستردى ابىرويمەن باسقاردى، تەمىربەك جۇرگەنوۆ اتىنداعى ۇلتتىق ونەر اكادەمياسىندا وقىتۋشىلىق قىزمەت اتقاردى. كەيىن قر مادەنيەت جانە سپورت مينيسترلىگىندە 4 جىل تولىق مەرزىمدە ۆيتسە-مينيستر بولىپ، مادەنيەت سالاسىنىڭ قوردالانعان ماسەلەلەرىن جۇيەلەۋگە ەڭبەك ءسىڭىردى. مادەنيەت سالاسىنداعى كوپتەگەن جوبالاردىڭ اۆتورى.
