مينيستر ايدا بالاەۆا دۇنيەدەن وتكەن اقجول مەيىربەكوۆكە ارناپ Facebook پاراقشاسىنا جازبا جاريالادى، دەپ حابارلايدى «ادىرنا» ۇلتتىق پورتالى.
بالاەۆا جازباسىندا ءانشىنىڭ وتباسى مەن جاقىندارىنا كوڭىل ايتقان.
بۇگىن قازاق ءان ونەرىنىڭ جارىق جۇلدىزى، مادەنيەت سالاسىنىڭ مايتالمانى اقجول مەيىربەكوۆ اعامىزدىڭ دۇنيەدەن وتكەنى جايلى قارالى حابار جەتتى.
اردا ازامات قازاق ەستراداسىنىڭ قالىپتاسۋى جولىندا ايشىقتى ءىز قالدىرىپ، تالاي بۋىننىڭ تالعامىن قالىپتاستىردى. سوندىقتان تانىمال تۇلعانىڭ قازاسى قالىڭ قازاقتىڭ قابىرعاسىن قايىستىرعانى انىق.
اقجول اعامىز ونەر كەڭىستىگىندە وزىندىك جولىن قالىپتاستىرىپ، ايگىلى «دوس-مۇقاسان» انسامبلىمەن بىرگە ەلدىڭ ىستىق ىقىلاسىنا بولەنىپ، سوڭىندا وشپەس ءىز قالدىردى. ونىڭ جارقىن بەينەسى قالىڭ جۇرتشىلىقتىڭ جادىندا ماڭگى ساقتالارى انىق.
مارقۇمنىڭ اعايىن-تۋىسى، جاقىندارىنا قايعىرا كوڭىل ايتامىن. جاتقان جەرى جايلى، توپىراعى تورقا بولسىن! – دەيدى ايدا بالاەۆا.
«ادىرنا ۇلتتىق پورتالى
