ارمەنيا پرەمەر-ءمينيسترى نيكول پاشينيان جۇك ءترانزيتىن بۇعاتتاۋدان بوساتۋ جونىندەگى شەشىمى ءۇشىن ازەربايجانعا العىس ءبىلدىردى، دەپ حابارلايدى “ادىرنا”.
Report اگەنتتىگىنىڭ حابارلاۋىنشا، ول بۇل تۋرالى سانكت-پەتەربۋرگ قالاسىندا وتكەن ەۋرازيالىق ەكونوميكالىق جوعارى كەڭەستىڭ وتىرىسىندا مالىمدەدى.
نيكول پاشينيان اتالعان شەشىم وڭىردەگى بارلىق ەلدەر ءۇشىن جاڭا مۇمكىندىكتەر اشاتىنىن جانە ەاەو اياسىنداعى ەكونوميكالىق بايلانىستاردى نىعايتۋعا ىقپال ەتەتىنىن اتاپ ءوتتى.
سونداي-اق ول ازەربايجانمەن قارىم-قاتىناستاعى ودان ءارى سىندارلى وزگەرىستەردىڭ ماڭىزدىلىعىنا توقتالىپ، ولاردىڭ ساۋدانى دامىتۋعا، لوگيستيكالىق ۇدەرىستەردى جاقسارتۋعا جانە وڭىرلىك ەكونوميكالىق تۇراقتىلىقتى كۇشەيتۋگە جول اشاتىنىن ايتتى. پرەمەر-مينيستر ءوز سوزىندە تسيفرلاندىرۋدى دامىتۋ جانە رەتتەۋشى راسىمدەردى جەڭىلدەتۋ ارقىلى ەكونوميكالىق ۇدەرىس قاتىسۋشىلارى ءۇشىن تەڭ جاعداي جاساۋ قاجەتتىگىن دە اتاپ ءوتتى.
بۇدان بولەك، ارمەنيا ۇكىمەتىنىڭ باسشىسى ەاەو-نىڭ يران، بىرىككەن اراب امىرلىكتەرى، قىتاي جانە ءۇندىستان سياقتى نەگىزگى سەرىكتەستەرىمەن ىنتىماقتاستىقتى كەڭەيتۋدىڭ ماڭىزىن اتاپ ءوتىپ، بۇل سىرتقى ساۋدانى ارتاراپتاندىرۋعا جانە ەاەو-نىڭ جاھاندىق ارەناداعى ۇستانىمىن نىعايتۋعا ىقپال ەتەتىنىن جەتكىزدى.
