Armeniia Premer-ministrı Nikol Paşinian jük tranzitın būǧattaudan bosatu jönındegı şeşımı üşın Äzerbaijanǧa alǧys bıldırdı, dep habarlaidy “Adyrna”.
Report agenttıgınıŋ habarlauynşa, ol būl turaly Sankt-Peterburg qalasynda ötken Euraziialyq ekonomikalyq joǧary keŋestıŋ otyrysynda mälımdedı.
Nikol Paşinian atalǧan şeşım öŋırdegı barlyq elder üşın jaŋa mümkındıkter aşatynyn jäne EAEO aiasyndaǧy ekonomikalyq bailanystardy nyǧaituǧa yqpal etetının atap öttı.
Sondai-aq ol Äzerbaijanmen qarym-qatynastaǧy odan ärı syndarly özgerısterdıŋ maŋyzdylyǧyna toqtalyp, olardyŋ saudany damytuǧa, logistikalyq üderısterdı jaqsartuǧa jäne öŋırlık ekonomikalyq tūraqtylyqty küşeituge jol aşatynyn aitty. Premer-ministr öz sözınde sifrlandyrudy damytu jäne retteuşı räsımderdı jeŋıldetu arqyly ekonomikalyq üderıs qatysuşylary üşın teŋ jaǧdai jasau qajettıgın de atap öttı.
Būdan bölek, Armeniia Ükımetınıŋ basşysy EAEO-nyŋ İran, Bırıkken Arab Ämırlıkterı, Qytai jäne Ündıstan siiaqty negızgı serıktesterımen yntymaqtastyqty keŋeitudıŋ maŋyzyn atap ötıp, būl syrtqy saudany ärtaraptandyruǧa jäne EAEO-nyŋ jahandyq arenadaǧy ūstanymyn nyǧaituǧa yqpal etetının jetkızdı.
