تاۋەلسىزدىك كۇنىن مەرەكەلەۋ كەزىندە الەۋمەتتىك جەلىلەردە ەلدىڭ مەملەكەتتىك تۋىن اۆتوكولىكتەرگە ءىلۋ ماسەلەسى كەڭىنەن تالقىلاندى، دەپ حابارلايدى "ادىرنا" ۇلتتىق پورتالى.
كەيبىر اقپاراتتاردا اۆتوكولىكتەرگە مەملەكەتتىك تۋ ىلگەن جۇرگىزۋشىلەردى جول-پاترۋلدىك پوليتسيا قىزمەتكەرلەرىنىڭ ءتۇرلى سەبەپتەرمەن توقتاتقانى ايتىلعان.
ال مادەنيەت جانە اقپارات مينيسترلىگى كولىككە تۋ ءىلۋ ەرەجەلەرىن ءتۇسىندىردى.
"مەملەكەتتىك رامىزدەردى قولدانۋدىڭ زاڭمەن بەلگىلەنگەن ەرەجەلەرى بار. مادەنيەت جانە اقپارات مينيسترلىگى ولاردىڭ دۇرىس قولدانۋ ءتارتىبىن قاداعالايدى. ءبىز ازاماتتاردىڭ پاتريوتتىق سەزىمىن ءبىلدىرۋ، قازاقستاندىق بىرەگەيلىكتى ساقتاۋ، ەل مەن ازاماتتاردىڭ جەتىستىكتەرىن ناسيحاتتاۋ ماقساتىندا مەملەكەتتىك رامىزدەردى پايدالانۋدى قولدايمىز، بىراق ول قولدانىستاعى زاڭناما شەڭبەرىندە جۇزەگە اسۋى ءتيىس", — دەلىنگەن مينيسترلىك حابارلاماسىندا.
ايتا كەتەيىك، ءىىم بۇل جاعدايعا قاتىستى تۇسىنىكتەمە بەرگەن.
