اڭىز اقىن، قوعام قايراتكەرى مۇحتار شاحانوۆ تاۋەلسىزدىك كۇنى قارساڭىندا باتا بەردى، دەپ حابارلايدى "ادىرنا" ۇلتتىق پورتالى.
اقىننىڭ بەينەسىن ينستاگرام جەلىسىندە almatypovar_aigul ەسىمدى قولدانۋششى جاريالاعان. ۆيدەودا مۇحتار شاحانوۆ ءوزىنىڭ جۇرەكجاردى تىلەگىن ايتىپ، باتاسىن «شىندىق بيىگىندە جولىعايىق» دەگەن سوزدەرمەن تۇيىندەگەن.
پاراقشا يەسى جازباسىندا جەلتوقسان وقيعاسىنىڭ تاۋەلسىزدىكتىڭ باستاۋى ەكەنىن اتاپ ءوتىپ، 1986 جىلعى 16 جەلتوقساندا جازىقسىز جاپا شەككەن جاستاردى ەسكە الۋ ماڭىزدى ەكەنىن جازعان.
جەلتوقسان وقيعاسىنان كەيىن 1989 جىلى بۇكىلوداقتىق پلەنۋمدا مۇحتار شاحانوۆ 1986 جىلعى جەلتوقسان كوتەرىلىسىنە بىرجاقتى باعا بەرىلگەنىن اشىق ايتىپ، الاڭعا بەيبىت شەرۋگە شىققان جاستارعا قارسى كۇش قولدانىلعانىن مالىمدەگەن.
سونداي-اق بۇل وقيعاعا ءادىل باعا بەرۋ ءۇشىن تاۋەلسىز كوميسسيا قۇرۋدى تالاپ ەتكەن. جەلتوقسان وقيعاسىن زەرتتەۋ جونىندە ارنايى كوميسسيادا مۇحتار شاحانوۆ مۇشە بولدى. وسىدان كەيىن كوتەرىلىسكە بەرىلگەن بىرجاقتى باعا توقتاتىلىپ، وقيعاعا جان-جاقتى ساراپتاما جاسالا باستادى.
