الەمگە تانىمال ءانشى ديماش قۇدايبەرگەن حالىقارالىق كوشى-قون ۇيىمىنىڭ عالامدىق ىزگى نيەت ەلشىسى اتاندى. بۇل شەشىم بۇگىن جەنەۆادا وتكەن ۇيىم كەڭەسىنىڭ 116-شى سەسسياسىندا جاريالاندى، دەپ حابارلايدى "ادىرنا" ۇلتتىق پورتالى 24.kz سايتىنا سىلتەپ.
ديماش ءىس-شاراعا قاتىسۋشىلار الدىندا ءوزىنىڭ ەڭ تانىمال اندەرىنىڭ ءبىرى «ەس وۋ ەس» شىعارماسىن فرانتسۋز تىلىندە ورىندادى. جينالعاندار قازاقستاندىق ءانشىنى زور قوشەمەتپەن قارسى الدى.
ديماشقا عالامدىق ىزگى نيەت ەلشىسى مارتەبەسىنىڭ سيمۆولىن حالىقارالىق كوشى-قون ۇيىمىنىڭ باسشىسى ەمي پوۋپ تابىستادى.
«بۇل اتاق ءانشىنىڭ مادەني ىقپالىن، ونىڭ ازاماتتىق بەلسەندىلىگى مەن گۋمانيتارلىق باستامالاردى حالىقارالىق دەڭگەيدە ىلگەرىلەتۋگە دەگەن تالپىنىسىن كورسەتەدى»، - دەپ اتاپ ءوتتى ول.
بىلتىر ديماش حالىقارالىق كوشى-قون ۇيىمىنىڭ ازيا بويىنشا ايماقتىق ەلشىسى بولىپ سايلانعان ەدى. بيىل ۇيىم ونىڭ مارتەبەسىن عالامدىق ەلشى دەڭگەيىنە دەيىن كوتەرىپ وتىر. ديماش ءوز كەزەگىندە ۇيىمنىڭ گۋمانيتارلىق ميسسياسىن الداعى ۋاقىتتا دا ناسيحاتتاي بەرەتىنىن جەتكىزدى. ول جيىلعان جۇرت الدىندا ادەتتەگىدەي قازاق تىلىندە سويلەپ، كورسەتىلگەن قۇرمەت ءۇشىن زور العىسىن ءبىلدىردى.
"مەن ءۇشىن بۇل لاۋازىم – وتە ۇلكەن مارتەبە. ول ەڭ الدىمەن ءبىزدىڭ سۇيىكتى تىندارماندارىمىزدىڭ، ءبىزدىڭ كومەگىمىزدى قاجەت ەتىپ تۇرعان بارشا ازاماتتارىنىڭ اماناتى دەپ بىلەمىن. جالپى كەز كەلگەن ونەر ادام ءۇشىن بەلگىلى ءبىر ميسسيا ومىرىندە ورنالۋى وتە ماڭىزدى دەپ بىلەمىن. مەنىڭ ميسسيام – ادامزاتتى بىرلىككە شاقىرۋ، بەيبىتشىلىك جايىندا ۇگىت ناسيحات جۇرگىزۋ. قازىرگى تاڭدا ەل مەن ەلدىڭ اراسىندا ارازا ىستىق بەلەن الىپ تۇرعان زاماندا ءبىز ونەر ادامدارى قولدان كەلگەنشە تاتۋلىققا، بىرلىككە، ىڭتىماقتاستىققا شاقىرۋعا تىرىسۋىمىز كەرەك دەپ ويلايمىن", – دەدى ديماش قۇدايبەرگەن.
