بيىل ۇلىتاۋ وبلىسىندا ەكى مەكتەپ، ءۇش بالاباقشا پايدالانۋعا بەرىلدى

2025 جىلى جەزقازعان قالاسىندا 300 ورىندىق «جايلى مەكتەپ» پەن تەرەكتى اۋىلىنداعى 80 ورىندىق ءبىلىم وشاعى اشىلسا، جەزقازعان، ساتباەۆ قالالارىندا باس اياعى 640 ورىندىق قوس بالاباقشا جانە جاڭاارقا اۋدانىندا 165 ورىندىق ءبىر بوبەكجاي ەل يگىلىگىنە بەرىلدى.
وعان قوسا، قاراجال قالاسى مەن مانادىر ستانتسياسىندا ۇكىمەت باسشىسىنىڭ تاپسىرماسىنا سايكەس سالىنىپ جاتقان قوس مەكتەپتىڭ قۇرىلىسى اياقتالادى دەپ كۇتىلۋدە.
ۇلىتاۋ وبلىسىنداعى ەرەكشە كۇتىمدى قاجەت ەتەتىن بالالار اتا-انالارىنىڭ ءوتىنىشى بويىنشا بيىل وڭىردە العاش رەت ءاۋتيزمى بار بالالاردى قولداۋ ورتالىعى اشىلدى.
سونىمەن قاتار، دەمەۋشىلىك قاراجات ەسەبىنەن بيىل جەزقازعاندا 250 ورىندىق وقۋشىلار سارايىنىڭ قۇرىلىسى باستالدى. 2026-2027 جىلدار ارالىعىندا جەزقازعان قالاسىندا 1 200 ورىندىق BINOM مەكتەبىنىڭ قۇرىلىسى، 400 ۇل بالاعا جانە 400 قىز بالاعا ارنالعان ء«بىلىم يننوۆاتسيا» مامانداندىرىلعان ليتسەيى مەن 300 ورىندىق ەكى ينتەرنات - جاتاقحاناسىن سالۋ جوسپارلانۋدا.
ەرەكشە اتاپ وتەرلىگى - 2025 جىلى «التىن بەلگى» يەگەرلەرى 2 ەسە ءوسىپ،  74 تۇلەككە جەتتى.