اقتوبەدە زورلاۋ جانە كىسى ءولتىرۋ ءىسى بويىنشا كىنالى دەپ تانىلعان قالا تۇرعىنىنا قاتىستى سوت ۇكىم شىعاردى. ايۋاندىق قىلمىس وتكەن جىلى جاسالعان، - دەپ حابارلايدى “ادىرنا” ۇلتتىق پورتالى دياپازونعا سىلتەمە جاساپ.
باسىلىمنىڭ مالىمەتىنشە، 2023 جىلدىڭ 8 ماۋسىمىندا 19 جاستاعى ايگەرىم ەسىمدى قىز ءوزىنىڭ تانىسىمەن اقتوبە قالاسى، تۋرگەنەۆ كوشەسىندەگى 12 قاباتتى ءۇيدىڭ پاتەرىندە بولعان. ۇكىمنەن بەلگىلى بولعانداي، قىز زورلانعان، سودان كەيىن قىلمىسكەر ونى جەتىنشى قاباتتان لاقتىرۋدى ۇيعارعان.
قاشۋعا تىرىسقان ايگەرىم ەكى قولىمەن بالكوننىڭ اعاش جاقتاۋىنان ۇستادى، ال قىلمىسكەرلەر ونى قۇلاتۋ ءۇشىن ساۋساقتارىنان ۇرعان. وسى سوققىلاردان كەيىن قىز قۇلاپ جەتىنشى قاباتتان قۇلاعان. ايگەرىم العان جاراقاتتارىنان سول جەردە كوز جۇمدى.
سوت زورلاۋ جانە كىسى ءولتىرۋ بويىنشا ايىپتالۋشىنى 18 جىلعا باس بوستاندىعىنان ايىردى.
العاشىندا پوليتسەيلەر زورلاۋ جانە ءوزىن-ءوزى ولتىرۋگە يتەرمەلەۋ باپتارى بويىنشا قىلمىستىق ءىس قوزعاعان. الايدا تەرگەۋ بارىسىندا ايگەرىمنىڭ ءومىر ءۇشىن اقىرىنا دەيىن كۇرەسكەنى بەلگىلى بولدى.
