اۆستراليانىڭ سيدنەي قالاسىنداعى قالدىقتاردى قايتا وڭدەۋ زاۋىتىندا ءورت پەن قۋاتتى جارىلىس ورىن الدى. جانىپ جاتقان نىساندى ءسوندىرۋ بارىسىندا ەكى ءورت ءسوندىرۋشى زارداپ شەكتى. بۇل تۋرالى جاڭا وڭتۇستىك ۋەلس شتاتىنىڭ ءورت-قۇتقارۋ قىزمەتى مالىمدەدى، دەپ حابارلايدى “ادىرنا”.
«200-دەن استام ءورت ءسوندىرۋشى تۇندە سيدنەيدىڭ باتىسىنداعى نورت-سەنت-مەريس اۋدانىندا ورنالاسقان قالدىقتاردى قايتا وڭدەۋ زاۋىتىن شارپىعان جالىندى اۋىزدىقتادى. ۇلكەن وتتى شار جارىلىپ، جالىن نىساننىڭ ۇستىندە 150 مەترگە دەيىن كوتەرىلدى… توتەنشە جاعدايدىڭ قىزعان شاعىندا ەكى ءورت ءسوندىرۋشى قولدارىنان جەڭىل جاراقات الدى»، – دەلىنگەن مالىمدەمەدە.
قۇجاتقا سايكەس، حيميكاتتارعا تولى ۇلكەن رەزەرۆۋار جارىلىپ، سونىڭ سالدارىنان ءورت سوندىرۋشىلەرگە جۇدىرىقتاي بەتون كەسەكتەرى جاۋعان. بۇل ءورت سوڭعى جىلدارى ايماقتاعى ەڭ ءىرى وقيعالاردىڭ ءبىرى رەتىندە اتالدى.
وقيعا ورنىندا ۇلكەن سيدنەي ايماعىنىڭ ءتۇرلى ءورت-قۇتقارۋ بولىمشەلەرى، سونداي-اق قاۋىپتى ماتەريالدارمەن جۇمىس ىستەيتىن ارنايى بريگادالار جۇمىلدىرىلعان. ءورتتىڭ شىعۋ سەبەبى ازىرگە بەلگىسىز.
