كاسپي قۇبىر كونسورتسيۋمىنa (كقك) ەكيپاجسىز كاتەرلەر ارقىلى ماقساتتى تەرروريستىك شابۋىل جاسالدى، دەپ حابارلايدى "ادىرنا" ۇلتتىق پورتالى كقك-عا سىلتەپ.
شابۋىل 29 قاراشا كۇنى تاڭعى ساعات 04:06-دا نوۆوروسسيسكىدەگى كقك ايلاعىندا بولعان.
ۋكراينانىڭ ەكيپاجسىز كاتەرلەرىمەن جاسالعان شابۋىل سالدارىنان كاسپي قۇبىر كونسورتسيۋمىنىڭ (كتك) تەڭىز تەرمينالىنىڭ ايلاق قۇرىلعىسى ىستەن شىقتى.
سالدارىنان مۇناي تيەۋ وپەراتسيالارى تولىق توقتاتىلدى.
كقك قىزمەتكەرلەرى مەن مەردىگەرلەر اراسىندا زارداپ شەككەندەر جوق.
ءباسپاسوز قىزمەتى جارىلىس كەزىندە ايلاقتاعى اپاتتىق قورعاۋ جۇيەلەرى اۆتوماتتى تۇردە ىسكە قوسىلىپ، ءتيىستى قۇبىرجولدار جابىلعانىن اتاپ ءوتتى. الدىن الا دەرەكتەر بويىنشا تەڭىزگە مۇناي توگىلمەگەن. تەرمينال اۋماعىندا ەكولوگيالىق مونيتورينگ جۇرگىزىلۋدە.
ايتا كەتەيىك، كقك قازاقستانداعى ءۇش ءىرى كەن ورنىنان – تەڭىز، قاشاعان جانە قاراشىعاناقتان مۇناي تاسىمالداۋدى قامتاماسىز ەتەدى. 2024 جىلى تەرمينال ارقىلى شامامەن 63 ملن توننا مۇناي جونەلتىلدى، ونىڭ 74%-عا جۋىعى شەتەلدىك جۇك جونەلتۋشىلەردىڭ ۇلەسىنە تيەسىلى.
