Memleket basşysy Qasym-Jomart Toqaev älem bırınşılıkterınde top jarǧan jas şahmatşylarmen kezdestı. Būl turaly Aqorda jazdy, dep habarlaidy "Adyrna".
Kezdesuge 8 jasqa deiıngı sanatta älem chempiondary atanǧan Ädinūr Ädılbek pen Alişa Bisalieva, 12 jasqa deiıngı sanatta älem chempiony bolǧan Danis Quandyqūly, 14 jasqa deiıngı sanatta älem bırınşılıgınde jeŋıs tūǧyrynan körıngen Mark Smirnov, 16 jasqa deiıngı sanat boiynşa älem chempionatynda altynnan alqa taqqan Edgar Mamedov, 16 jasqa deiıngı şahmatşylar arasynda älem bırınşılıgınıŋ kümıs jüldesıne qol jetkızgen Sauat Nūrǧaliev qatysty.
Memleket basşysynyŋ aituynşa, jas sportşylardyŋ jetıstıkterı halyqaralyq arenada Qazaqstannyŋ mereiın üstem etedı ärı elımızde şahmattyŋ keleşegı zor ekenın körsetedı.
Prezident chempiondardyŋ biık maqsattarǧa ūmtyluy qajettıgın jetkızıp, olarǧa jarqyn jeŋıster tıledı.
Kezdesu soŋynda Qasym-Jomart Toqaev şahmat taqtasyna estelık jazba qaldyrdy.
