كۋرسك وبلىسىندا رەسەيدىڭ اسكەري-تەڭىز فلوتى باس قولباسشىسىنىڭ ورىنباسارى، گەنەرال-مايور ميحايل گۋدكوۆ قازا تاپتى. بۇل تۋرالى پريمورە ولكەسىنىڭ گۋبەرناتورى ولەگ كوجەمياكو ايتتى، دەپ حابارلايدى «ادىرنا» ءتىلشىسى.
«ول 2 شىلدەدەن 3 شىلدەگە قاراعان ءتۇنى وفيتسەرلىك بورىشىن اتقارۋ بارىسىندا قازا تاپتى. كومانديرمەن بىرگە ونىڭ سەنىمدى سەرىگى، ءبىزدىڭ ورتاق دوسىمىز ناريمان شيحاليەۆ تە مەرت بولدى»، – دەپ جازدى گۋبەرناتور الەۋمەتتىك جەلىدە.
«ايف پريمورە» اگەنتتىگىنىڭ جازۋىنشا، 1 شىلدە كۇنى تەڭىز جاياۋ اسكەرلەرىنىڭ دالالىق شتابىنا بىرنەشە زىمىران اتىلعان. سول ساتتە باسقارۋ پۋنكتىندە رەسەي اسكەري-تەڭىز فلوتى باس قولباسشىسىنىڭ ورىنباسارى بولعان.
گۋدكوۆ بۇل قىزمەتكە بيىل ناۋرىزدا تاعايىندالعان ەدى. بۇعان دەيىن ول «ارنايى اسكەري وپەراتسيا» كەزىندە كوزگە تۇسكەن تىنىق مۇحيتى فلوتىنىڭ 155-ءشى تەڭىز جاياۋ اسكەر بريگاداسىن باسقارعان بولاتىن.
