يراننىڭ يسلام رەۆوليۋتسياسى ساقشىلارى كورپۋسىنىڭ (كسير) اۋە-عارىش كۇشتەرى Shahed سەرياسىنا جاتاتىن جاڭا بۋىن ۇشقىشسىز ۇشۋ اپپاراتىن – Shahed-161 درونىن كوپشىلىككە تانىستىردى، دەپ حابارلايدى "ادىرنا".
بۇل اپپارات سىرتقى ءپىشىنى بويىنشا امەريكالىق B-2 جانە B-1 ستراتەگيالىق بومبالاۋشىلارىنا ۇقساس بولعانىمەن، نەگىزگى مىندەتى – بارلاۋ جانە باقىلاۋ جۇرگىزۋ.
Shahed-161 درونىنىڭ سىناقتان ءوتۋ كەزەڭىندەگى كادرلار كسير-دىڭ ۇلتتىق اۋە-عارىش كۇشتەرى كورمەسىندە كورسەتىلدى. يران تاراپى بۇل اپپاراتتىڭ الدىڭعى Shahed مودەلدەرىنە قاراعاندا تەحنيكالىق تۇرعىدا ايتارلىقتاي جەتىلدىرىلگەنىن اتاپ ءوتتى.
رەسمي مالىمەت بويىنشا، Shahed-161 كەلەسى سيپاتتامالارعا يە:
- ۇشۋ قاشىقتىعى: 500 كم
- جىلدامدىعى: 275 كم/ساع
- ۇشۋ ۇزاقتىعى: شامامەن 2 ساعات
- ماكسيمالدى ۇشۋ ماسساسى: 170 كگ
- ۇزىندىعى: 10,9 مەتر
بۇل كورسەتكىشتەر دروندى بارلاۋ تاپسىرمالارىن ورىنداۋعا، شەكارالىق ايماقتاردى باقىلاۋعا جانە اۋە كەڭىستىگىندەگى جاعدايدى قاداعالاۋعا ءتيىمدى قۇرال رەتىندە قولدانۋعا مۇمكىندىك بەرەدى.
يران سوڭعى جىلدارى ۇشقىشسىز اپپاراتتاردى دامىتۋعا ەرەكشە كوڭىل ءبولىپ كەلەدى. Shahed-161 — وسى باعىتتاعى كەزەكتى قادام، ءارى ەلدىڭ UAV تەحنولوگياسىنداعى مۇمكىندىكتەرىن كەڭەيتۋگە باعىتتالعان جوبالاردىڭ ءبىرى.
