اقش پرەزيدەنتى دونالد ترامپ ەگەر 48 ساعات ىشىندە ورمۋز بۇعازى كەمەلەردىڭ ەركىن ءوتۋى ءۇشىن تولىق اشىلماسا، يراننىڭ ەلەكتر ستانتسيالارىنا سوققى جاساۋعا دايىن ەكەنىن مالىمدەدى، دەپ حابارلايدى “ادىرنا”.
Report اگەنتتىگىنىڭ حابارلاۋىنشا، بۇل مالىمدەمە اقش باسشىسىنىڭ Truth Social الەۋمەتتىك جەلىسىندەگى پاراقشاسىندا جاريالانعان.
«ەگەر يران وسى ساتتەن باستاپ 48 ساعات ىشىندە ورمۋز بۇعازىن تولىق ءارى قاۋىپسىز اشپاسا، اقش ولاردىڭ كوپتەگەن ەلەكتر ستانتسيالارىنا، ەڭ ىرىسىنەن باستاپ، سوققى بەرىپ، جويادى»، — دەلىنگەن حابارلامادا.
يران قارۋلى كۇشتەرىنىڭ ورتالىق قولباسشىلىعى — «حاتام ءال-انبيا» رەسمي وكىلى 11 ناۋرىزدا تەگەران ورمۋز بۇعازى ارقىلى اقش پەن ونىڭ وداقتاستارىنا قاتىستى كەز كەلگەن جانارماي جۇكتەرىن وتكىزۋگە جول بەرمەيتىنىن مالىمدەگەن. ورمۋز بۇعازى ارقىلى الەمدىك مۇناي ەكسپورتىنىڭ شامامەن بەستەن ءبىرى تاسىمالدانادى.
15 ناۋرىزدا يران تاراپى قارسىلاسىن شەگىنۋگە ماجبۇرلەۋ ءۇشىن بارلىق قولدا بار قۇرالداردى، سونىڭ ىشىندە بۇعازداعى كەمە قاتىناسىن باقىلاۋدى قولدانۋعا دايىن ەكەنىن ەسكەرتكەن.
ەسكە سالايىق، 28 اقپاندا اقش پەن يزرايل يرانعا قارسى اسكەري وپەراتسيا باستاعان بولاتىن. سونىڭ سالدارىنان يراننىڭ جوعارعى كوشباسشىسى ءالي حامەنەي جانە بىرقاتار جوعارى لاۋازىمدى تۇلعالار قازا تاپتى.
وسىدان كەيىن يران يزرايلگە، سونداي-اق اقش پەن ونىڭ وداقتاستارىنا قاتىستى نىساندارعا — ساۋد ارابياسى، قاتار، ءباا، ومان، باحرەين، يراك جانە كيپر اۋماقتارىندا سوققىلار جاساي باستادى.
