باس مەملەكەتتىك سانيتارلىق دارىگەر سارحات بەيسەنوۆا مەكتەپتەردىڭ قاشىقتان وقىتۋ فورماتىنا اۋىسۋىنا قاتىستى ستاتيستيكالىق دەرەكتەردى جاريالادى، دەپ حاباردايدى «ادىرنا» ءتىلشىسى.
ول 19 قاراشاداعى جاعداي بويىنشا جەتى وڭىردە قاشىقتان وقىتۋ تۋرالى شەشىم قابىلدانعانىن مالىمدەدى.
«رەسپۋبليكا بويىنشا 132 مەكتەپتىڭ 1469 سىنىبى قاشىقتان وقىتۋ فورماتىنا اۋىستىرىلدى. اتاپ ايتقاندا، استاناداعى 24 مەكتەپتە 182 سىنىپ ونلاين وقۋعا كوشكەن، شىعىس قازاقستان وبلىسىندا 57 مەكتەپتىڭ 204 سىنىبى، اباي وبلىسىندا 21 مەكتەپتىڭ 276 سىنىبى، جامبىل وبلىسىندا 14 مەكتەپتىڭ 598 سىنىبى، قوستاناي وبلىسىندا 12 مەكتەپتىڭ 168 سىنىبى، اقمولا وبلىسىندا 3 مەكتەپتەگى 21 سىنىپ جانە قاراعاندى وبلىسىندا ءبىر مەكتەپتەگى 20 سىنىپ قاشىقتان وقۋعا اۋىستى»،-دەدى ول.
بەيسەنوۆا تۇماۋعا بايلانىستى سىنىپتاعى بالالاردىڭ 30 پايىزى اۋىرىپ جاتسا، وندا وقۋ ونلاين فورماتقا اۋىساتىنىن اتاپ ءوتتى.
بۇعان دەيىن پرەمەر-مينيستر ولجاس بەكتەنوۆ دەنساۋلىق ساقتاۋ مينيسترلىگى مەن اكىمدىكتەرگە مەديتسينالىق قىزمەتتىڭ ساپاسىن قاتاڭ باقىلاۋعا الۋدى تاپسىرعان ەدى.
ايتا كەتەيىك، سوڭعى اپتادا ەلىمىزدە جرۆي-ءدىڭ 183 مىڭ وقيعاسى تىركەلگەن.
