قاجىلىققا جينالعان قازاقستاندىقتاردى الداعان كۇدىكتى ۇستالدى، دەپ حابارلايدى قر ءىىم تجك ءباسپاسوز قىزمەتى. بۇل تۋرالى «ادىرنا» ۇلتتىق پورتالى جازادى.
«ىشكى ىستەر مينيسترلىگىنىڭ تەرگەۋ دەپارتامەنتى قاجىلىق ءتۋريزمىن ۇيىمداستىرۋ سالاسىنداعى الاياقتىققا قاتىستى قىلمىستىق ءىستى تەرگەپ جاتىر. جەدەل-ىزدەستىرۋ شارالارىنىڭ ناتيجەسى بويىنشا «Zam Zam Qazaqstan» جشس تۋريستىك كومپانياسىنىڭ باسشىسى ساۋد ارابياسىنا قاجىلىقتى زاڭسىز ۇيىمداستىرعانى اشكەرەلەندى. ساۋد ارابياسى كورولدىگىنىڭ مەملەكەتتىك مەكەمەسىنىڭ رەسمي سايتىنا ۇقساس قاجىلارعا بەرىلگەن قاجىلىق ۆيزاسىنىڭ زاڭدىلىعىن راستايتىن ۆەب-سايت جاسالعانى انىقتالدى. 22 قاراشادا سوتتىڭ سانكتسياسىمەن كۇدىكتى قاماۋعا الىندى»، - دەپ حابارلادى سەنبى كۇنى ءىىم.
ۆەدومستۆودا اتاپ وتكەندەي، سوتقا دەيىنگى تەرگەۋ جالعاسۋدا.
«ادىرنا» ۇلتتىق پورتالى
