نيگەريانىڭ سولتۇستىك-باتىسىنداعى كەببي شتاتىندا قارۋلى توپ ماگا كەنتىندەگى مەكتەپ-ينتەرناتقا شابۋىل جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى Bild باسىلىمى حابارلادى.
قاسكۇنەمدەر 25 وقۋشى قىزدى ۇرلاپ، مۇعالىم مەن كۇزەتشىنى ولتىرگەن.
شابۋىل تاڭعى 4:00 شاماسىندا بولعان.
پوليتسيانىڭ رەسمي وكىلى نافيۋ ابۋباكار كوتاركوسيدىڭ ايتۋىنشا، قىلمىسكەرلەر زاماناۋي قارۋ-جاراقپەن قارۋلانعان جانە كۇزەتپەن اتىسقان. ارنايى جاساق قازىر قاشۋ باعىتتارىن، ورمان القاپتارىن تەكسەرىپ، قىزداردى قۇتقارۋ وپەراتسياسىن جۇرگىزىپ جاتىر.
جەرگىلىكتى تۇرعىن ابدۋلكاريم ابدۋللاحي ماگا شابۋىلشىلاردىڭ «وتە كوپ موتوتسيكلمەن كەلگەنىن» ايتىپ، ولاردىڭ بىردەن مۇعالىمدى جانە كۇزەتشىنى كوزدەگەنىن جەتكىزدى.
ازىرگە بۇل قىلمىس ءۇشىن ەشبىر ۇيىم جاۋاپكەرشىلىكتى موينىنا العان جوق.
نيگەريادا قارۋلى توپتار ادامداردى قارجىلىق تالاپ قويۋ ءۇشىن ءجيى ۇرلاپ اكەتەدى.
2014 جىلى چيبوكتا «بوكو حارام» سودىرلارى 276 وقۋشى قىزدى الىپ كەتكەننەن بەرى ەلدە كەمىندە 1500 وقۋشى ۇرلانعان.
