فوتو:eurasia.amnesty
گازا سەكتورىنىڭ دەنساۋلىق ساقتاۋ مينيسترلىگى گازا اۋماعىندا ىسكە اسىرىلىپ جاتقان اتىستى توقتاتۋ جانە تۇتقىندارمەن الماسۋ كەلىسىمى اياسىندا يزرايلدەن تاعى 15 پالەستيندىك ادامنىڭ مۇردەسى بەرىلگەنىن مالىمدەدى. بۇل تۋرالى مينيسترلىكتىڭ Telegram-پاراقشاسىندا جاريالاندى، دەپ حابارلايدى “ادىرنا”.
مالىمەتكە سايكەس، قىزىل كرەستتىڭ حالىقارالىق كوميتەتى ارقىلى يزرايلدەن 15 پالەستيندىك تۇتقىننىڭ دەنەسى الىنعانى ايتىلعان. سونداي-اق، مايىتتەردى سايكەستەندىرۋ جۇمىستارى جۇرگىزىلەدى.
قازىرگى ۋاقىتقا دەيىن يزرايل تاراپىنان 330 پالەستيندىك تۇتقىننىڭ دەنەسى قايتارىلعان، ولاردىڭ 97-ءسى انىقتالىپ، جاقىندارىنا تابىستالعان.
گازا بيلىگىنىڭ مالىمدەۋىنشە، 10 قازاندا كۇشىنە ەنگەن اتىستى توقتاتۋ جانە تۇتقىندارمەن الماسۋ كەلىسىمى شەڭبەرىندە بەرىلگەن مايىتتەردىڭ دەنەسىندە ازاپتاۋ بەلگىلەرى انىقتالعان.
