يزرايل ارمياسىنىڭ گازا سەكتورىنىڭ سولتۇستىگىندەگى دجەباليا بوسقىندار لاگەرىنە جاساعان سوققىسى ناتيجەسىندە 100-دەن استام ادام قازا تاپتى، ولاردىڭ اراسىندا كوپتەگەن ايەلدەر مەن بالالار بار. 150 ادام جاراقات الدى. بۇل تۋرالى سەيسەنبى كۇنى گازانىڭ دەنساۋلىق ساقتاۋ مينيسترلىگى مالىمدەدى، - دەپ حابارلايدى "ادىرنا" پورتالى ربك-عا سىلتەمە جاساپ.
پالەستينالىق WAFA اقپارات اگەنتتىگىنىڭ حابارلاۋىنشا، 400-گە جۋىق ادام زارداپ شەككەن، ولاردىڭ كوپشىلىگى بالالار. جارالىلار اۋرۋحاناعا جەتكىزىلدى، بىراق ۇيىندىلەر استىندا كوپ ادام قالدى دەيدى جۋرناليستەر.
ءال-جازيرانىڭ حابارلاۋىنشا، دجەباليا گازا سەكتورىنداعى سەگىز بوسقىن لاگەرىنىڭ ەڭ ۇلكەنى. ول 1,4 شاقىرىم اۋماقتى الىپ جاتىر، بۇۇ مالىمەتى بويىنشا مۇندا 116 مىڭ ادام تىركەلگەن.
يزرايل قورعانىس كۇشتەرىنىڭ (IDF) ءباسپاسوز حاتشىسى ريچارد حەحت CNN-گە تەل-ءاۆيۆتىڭ دجەباليا بوسقىندار لاگەرىنە شابۋىل جاساعانىن، سونىڭ سالدارىنان كوپتەگەن ادامنىڭ قازا تاپقانىن راستادى.
«بۇل سوعىس تراگەدياسى»، - دەدى حەحت ءجۋرناليستىڭ شابۋىل قۇرباندارى بولعان بەيبىت تۇرعىندار تۋرالى سۇراعىنا.
كەيىن يسد دجەبالياعا جاسالعان سوققىنىڭ ناتيجەسىندە 7 قازانداعى شابۋىلدى ۇيىمداستىرۋشىلاردىڭ ءبىرى يبراگيم ءبياريدىڭ قازا تاپقانىن جانە حاماس سودىرلارىنىڭ بازاسى جويىلعانىن حابارلادى. توپتىڭ جەراستى ينفراقۇرىلىمى مەن بىرنەشە ونداعان سودىرلارى دا جويىلدى.
يزرايل ارمياسىنىڭ ءباسپاسوز قىزمەتى مالىمدەمە جاساپ، بەيبىت تۇرعىنداردى گازانىڭ سولتۇستىگىنەن وڭتۇستىككە كوشىرۋگە شاقىردى.
ۇقساس جاڭالىقتار
