Фото:eurasia.amnesty
Газа секторының Денсаулық сақтау министрлігі Газа аумағында іске асырылып жатқан атысты тоқтату және тұтқындармен алмасу келісімі аясында Израильден тағы 15 палестиндік адамның мүрдесі берілгенін мәлімдеді. Бұл туралы министрліктің Telegram-парақшасында жарияланды, деп хабарлайды “Адырна”.
Мәліметке сәйкес, Қызыл Кресттің халықаралық комитеті арқылы Израильден 15 палестиндік тұтқынның денесі алынғаны айтылған. Сондай-ақ, мәйіттерді сәйкестендіру жұмыстары жүргізіледі.
Қазіргі уақытқа дейін Израиль тарапынан 330 палестиндік тұтқынның денесі қайтарылған, олардың 97-сі анықталып, жақындарына табысталған.
Газа билігінің мәлімдеуінше, 10 қазанда күшіне енген атысты тоқтату және тұтқындармен алмасу келісімі шеңберінде берілген мәйіттердің денесінде азаптау белгілері анықталған.
