مانەرلەپ سىرعاناۋدان اقش-تىڭ لەيك-پلەسيد قالاسىندا گران-پري كەزەڭى باستالدى. ەرلەر اراسىنداعى قىسقا باعدارلامادا ءۇشىنشى ورىنعا تۇراقتاعان جەرلەسىمىز ميحايل شايدوروۆ ەركىن باعدارلامادا ۇزدىك ەكىنشى ناتيجەنى كورسەتتى، دەپ حابارلايدى "ادىرنا".
وسىلايشا وتاندىق سپورتشى قورىتىندى كەستەدە ءبىر جولعا جوعارى كوتەرىلىپ، جالپى 251,09 بالل جينادى.
جەڭىس فرانتسۋز سپورتشىسى كەۆين ەيموزعا بۇيىردى (253,53). ءۇشىنشى ورىندى جاپوندىق كازۋكي تومونو مىسە تۇتتى (245,57).
شايدوروۆ تاريحتا ەكى رەت گران-پري جەڭىمپازى تۇعىرىنا كوتەرىلگەن العاشقى قازاقستاندىق مانەرلەپ سىرعاناۋشى بولىپ تابىلادى. ەندى شايدوروۆتىڭ اكتيۆىندە گران-پري بويىنشا جالپى ەسەپتە 24 ۇپاي بار.
ازىرگە، ول جالپى رەيتينگتە ءۇشىنشى ورىندا تۇر. ەگەر قازاقستاندىق ۇزدىك التىلىق قاتارىنداعى ورنىن ساقتاپ قالا السا، وندا گران-پري فينالىنا وتەدى.
