اقش ەنەرگەتيكا مينيسترلىگىنە قاراستى «سانديا» ۇلتتىق زەرتحاناسى جازدا مودەرنيزاتسيالانعان ۆ61-12 تەرمويادرولىق اۆيابومباسىن سىناقتان ءساتتى وتكىزگەنىن مالىمدەدى، دەپ حابارلايدى "ادىرنا" ۇلتتىق پورتالى.
Report مالىمەتىنشە، ۇشۋ سىناقتارى 19–21 تامىز كۇندەرى نەۆادا شتاتىنداعى تونوپا پوليگونىندا جۇرگىزىلگەن.
سىناق بارىسىندا بەسىنشى بۋىن F-35 جويعىش ۇشاقتارى ينەرتتى ۆ61-12 ۇلگىسىن نىساناعا دەيىن جەتكىزىپ، تاستاۋ وپەراتسياسىن ورىنداعان. زەرتحانا ماماندارىنىڭ ايتۋىنشا، سىناق ناتيجەلەرى قارۋدىڭ تيىمدىلىگىن باعالاۋدا ماڭىزدى كەزەڭ بولدى جانە وڭ ناتيجە كورسەتتى.
اقش-تىڭ يادرولىق قاۋىپسىزدىك جونىندەگى ۇلتتىق اگەنتتىگى (NNSA) وتكەن جىلدىڭ جەلتوقسانىندا ۆ61 سەرياسىنداعى يادرولىق اۆيابومبالاردى جاڭارتۋ باعدارلاماسىن اياقتاعان ەدى. جاڭارتۋ بارىسىندا بومبالارعا جاڭا پلۋتوني وزەكتەرى ورناتىلىپ، ولاردىڭ قىزمەت ەتۋ مەرزىمى كەمىندە 20 جىلعا ۇزارتىلدى.
ۆ61 – 1962 جىلدان بەرى اقش-تا وندىرىلەتىن، قۋاتى 0,3-تەن 340 كيلوتونناعا دەيىن وزگەرەتىن اۋە ارقىلى جەتكىزىلەتىن تاكتيكالىق يادرولىق قارۋ وتباسىنا جاتادى. بۇعان دەيىن ۆ61-1 – ۆ61-4 موديفيكاتسيالارىنان 400 دانا ۆ61-12 جاساۋ تۋرالى شەشىم قابىلدانعان. بۇل بومبالار اسىرەسە نىق بەكىتىلگەن جەراستى بۋنكەرلەرىن جويۋعا ارنالعان.
بەكارىس جانداۋلەت
