قازاقستاندا «كۇيزەلىس» دياگنوزى قويىلعان جاعدايدا ۋاقىتشا دەمالىسقا شىعۋعا بولادى، دەپ حابارلايدى “ادىرنا” ۇلتتىق پورتالى Tengrinews.kz-كە سىلتەپ.
بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
دەنساۋلىق ساقتاۋ مينيسترلىگى دەپرەسسياعا تۇسكەن ادامنىڭ ۋاقىتشا ەڭبەك دەمالىسىنا شىعا الاتىنىن ايتقان. بىراق دياگنوز پسيحياتر دارىگەردىڭ تەكسەرىسىنەن كەيىن عانا قويىلادى.
«العاشقى بەلگىلەردى جالپى تاجىريبە دارىگەرى نەمەسە پسيحولوگ انىقتاي الادى، الايدا تۇپكىلىكتى دياگنوز قويۋ، ەم تاعايىنداۋ جانە ناۋقاستى باقىلاۋ پسيحياتردىڭ قۇزىرەتىندە»، — دەلىنگەن مينيسترلىكتىڭ جاۋابىندا.
ۆەدومستۆونىڭ مالىمەتىنشە، دارىگەر ناۋقاستىڭ جاعدايى ۋاقىتشا ەڭبەككە جارامسىز دەپ تاپقان جاعدايدا عانا اۋرۋ پاراعى بەرىلەدى.
«ەڭبەككە ۋاقىتشا جارامسىزدىق پاراعى دەپرەسسيانىڭ جەڭىل ءتۇرى كەزىندە اشىلۋى مۇمكىن»، — دەپ ناقتىلادى مينيسترلىك.
ال اۋرۋدىڭ ورتاشا جانە اۋىر تۇرلەرى كەزىندە، ادەتتە، ناۋقاسقا ستاتسيونارلىق ەم قابىلداۋ ۇسىنىلادى.
