Astanadaǧy M.Gorkii atyndaǧy Memlekettık akademiialyq orys drama teatrynyŋ akterı Sergei Matveev «Puşkin» medalımen marapattaldy, dep habarlaidy «Adyrna» tılşısı.
Marapatty Resei prezidentı Vladimir Putin Reseidıŋ halyq bırlıgı künıne orai Kremlde ötken saltanatty räsımde tabystaǧan.
«Akter şetelde orys tılı men mädenietın saqtau jäne nasihattau ısıne qosqan zor ülesı üşın joǧary memlekettık nagradamen marapattaldy»,- dep atap öttı Reseidıŋ Qazaqstandaǧy elşılıgı.
Öz sözınde Sergei Matveev būl marapatty özı ǧana emes, bükıl M. Gorkii atyndaǧy Memlekettık akademiialyq orys drama teatry ūjymynyŋ eŋbegıne körsetılgen qūrmet pen baǧalau retınde qabyldaitynyn aitty.
Şaraǧa Reseimen halyqaralyq yntymaqtastyqty damytuǧa zor üles qosqan türlı elderdıŋ mädeniet, ǧylym jäne öner qairatkerlerı, sondai-aq qoǧam jäne memleket qairatkerlerı qatysqan.
Aita keteiık, Sergei Matveev — Qazaqstannyŋ eŋbek sıŋırgen qairatkerı, Qyrǧyzstannyŋ halyq ärtısı jäne Qazaq ūlttyq öner universitetınıŋ professory. Ol köptegen jyldar boiy «Puşkinmen mäjılıs» atty mono-pesada oinap kelgen.
Būǧan deiın Vladimir Putin Almatydaǧy İversko-Serafimovskii monastyrınıŋ tūrǧyny, 100 jastaǧy shimonahinia İrina Liubiskaiany «Dostyq» ordenımen marapattaǧan edı.
