الماتىلىق «قايرات» فۋتبول كومانداسى چەمپيوندار ليگاسىنىڭ ءتورتىنشى تۋرى اياسىندا سىرت الاڭدا يتاليالىق «ينتەرگە» ەسە جىبەردى، دەپ حابارلايدى «ادىرنا» ءتىلشىسى.
كەزدەسۋ 1:2 ەسەبىمەن اياقتالدى. الماتىلىق كوماندانىڭ نامىسىن قورعاعان وفري اراد جالعىز گولدىڭ اۆتورى اتاندى. ال يتاليالىق كلۋبتان لاۋتارو مارتينەس پەن كارلوس اۋگۋستو قاقپاعا ءدال سوققى جاسادى.
وسىلايشا قازاقستاندىق كلۋب تۋرنير كەستەسىندە ءبىر ۇپايمەن 34-ورىنعا تۇراقتادى. بۇعان دەيىن «سارى-قارالار» «سپورتينگ» (1:4) پەن «رەالدان» (0:5) ۇتىلىپ، «پافوسپەن» (0:0) تەڭ تۇسكەن بولاتىن.
ەندى الماتىلىق كلۋب الداعى ويىنىن 26 قاراشادا سىرت الاڭدا دانيانىڭ «كوپەنگاگەن» كومانداسىنا قارسى وتكىزەدى.
ۇقساس جاڭالىقتار
