قوعامداعى مۇگەدەكتىگى بار جانداردىڭ ورتاعا تولىققاندى ءسىڭىسىپ، باسقالارمەن تەڭ ءومىر ءسۇرۋى، ەڭبەك ەتۋى، ءبىلىم الۋى جانە قوعام ومىرىنە ەركىن قاتىسۋى ءۇشىن، سونداي-اق بەلگىلى ءبىر شەشىمدەر قابىلداۋىنا مۇمكىندىك جاساۋ ماقساتىندا كەدەرگىلەردى ەڭسەرۋگە باعىتتالعان ناقتى شارالار جۇيەلى تۇردە جۇزەگە اسىرىلۋدا. وسى ورايدا باتىس قازاقستان وبلىسىندا دا اۋقىمدى جۇمىستار اتقارىلۋدا.
ويتكەنى ەرەكشە قاجەتتىلىكتەگى ادامدارعا قامقورلىق كورسەتۋ – قوعام الدىنداعى پارىز. مۇگەدەكتىگى بار ادامداردىڭ قۇقىقتارىن الەۋمەتتىك قورعاۋ جۇيەسىنىڭ باستى ءپرينتسيپى – ولاردى قوعامعا ەتەنە ارالاستىرۋ ارقىلى تىنىس-تىرشىلىكتىڭ بارلىق سالاسىنا قوسۋ بولىپ تابىلادى.
بقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ابدولوۆ جاقسىلىق كاريموللاۇلىنىڭ مالىمەتىنشە، وڭىردە جالپى مۇگەدەكتىگى بار ادامدار سانى – 25 276 ادام سونىڭ ىشىندە ەڭبەككە جارامدى جاستا – 14 074 ادام، زەينەت جاسىندا – 7 888 ادام بار.
ءى توپتاعى مۇگەدەكتىگى بار ادامدار – 3 503,
ءىى توپتاعى – 9 232,
ءىىى توپتاعى –9 227 ادام.
18 جاسقا دەيىنگى مۇگەدەكتىگى بار بالالار سانى –3 314, ونىڭ ىشىندە 7 جاسقا دەيىنگى بالالار – 1 052.
ءبىرىنشى توپتاعى بالالار – 332, ەكىنشى توپتاعى –926, ءۇشىنشى توپتاعى – 1 004بالانى قۇرايدى.
«الەۋمەتتىك قىزمەتتەر پورتالى» ىسكە قوسىلدى
2021 جىلدىڭ باسىنان باستاپ «وڭالتۋدىڭ تەحنيكالىق قۇرالدارى» ۇلتتىق جوسپارى شەڭبەرىندە الەۋمەتتىك قىزمەتتەردى الۋشىلار مەن جەتكىزۋشىلەرگە بىرىڭعاي تسيفرلىق الاڭدا تىكەلەي ءوزارا ءىس-قيمىل جاساۋعا مۇمكىندىك بەرەتىن «الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسى ىسكە قوسىلدى.
2025 جىلدىڭ 1 قازانىنا دەيىن 16 381 مۇگەدەكتىگى بار ادامعا بەرىلەتىن تەحنيكالىق كومەكشى (ورنىن تولتىرۋشى) قۇرالدار مەن الەۋمەتتىك قىزمەتتەر (ىمداۋ ءتىلى مامانىنىڭ، جەكە كومەكشىنىڭ قىزمەتى) بويىنشا 13 747 ادام قامتاماسىز ەتىلگەن، بۇل جالپى سانىنىڭ 83,9% قۇرايدى.
مۇگەدەكتىگى بار ادامداردى مەديتسينالىق وڭالتۋ باعىتىندا:
– 1 771 ادام پروتەزدىك-ورتوپەديالىق كومەكپەن،
– 1 761 ادام ساناتوري-كۋرورتتىق ەمدەلۋمەن قامتىلدى.
الەۋمەتتىك وڭالتۋ باعىتىندا:
– 457 ادام سۋردولوگيالىق كومەكپەن،
– 1 676 ادام تيفلوتەحنيكالىق قۇرالدارمەن،
– 581 ادام كرەسلو-اربامەن،
– 6 449 ادام مىندەتتى گيگيەنالىق قۇرالدارمەن قامتاماسىز ەتىلدى.
سونىمەن قاتار، جەكە وڭالتۋ باعدارلاماسىنا سايكەس ءجۇرىپ-تۇرۋى قيىن 784 ادام جەكە كومەكشى قىزمەتىن، 268 ادام ىمداۋ ءتىلى مامانىنىڭ قىزمەتىن الدى.
بقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ابدولوۆ جاقسىلىق كاريموللاۇلىنىڭ ايتۋىنشا، قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ inva.gov.kz پورتالى ارقىلى مۇگەدەكتەردى الەۋمەتتىك قورعاۋ تۋرالى جاڭارتىلعان «قولجەتىمدىلىكتىڭ ينتەراكتيۆتى كارتاسى» ەنگىزىلدى.
اتالعان پورتالعا بارلىق 1 740 نىسان تىركەلگەن، ولاردىڭ 1 222-ءسى نەمەسە 71% تولىق بەيىمدەلگەن.
وسى رەتتە، 2023 جىلدان باستاپ جاڭادان – 20%، 2024 جىلى – 40%، ال 2027 جىلعا دەيىن بارلىق نىساندار 100% بەيىمدەلۋى ءتيىس.
جىل باسىنان بەرى الەۋمەتتىك ينسپەكتورلار الەۋمەتتىك جانە كولىك ينفراقۇرىلىمى نىساندارىنا مۇگەدەكتىگى بار ادامداردىڭ قولجەتىمدىلىگىن قامتاماسىز ەتۋ بويىنشا 198 تەكسەرۋ جۇرگىزدى. ناتيجەسىندە 44 ۇيعارىم بەرىلىپ، جالپى سوماسى 18,1 ملن تەڭگەگە 49 اكىمشىلىك ايىپپۇل سالىندى. بيىلعى جىلى 2 تەكسەرىس جۇرگىزىلىپ، 550,4 مىڭ تەڭگە كولەمىندە ايىپپۇل سالىندى.
ينۆاتاكسي قىزمەتى تولىق جۇمىس ىستەيدى
ورال قالاسى مەن اۋدانداردا قولجەتىمدىلىكتى قاداعالاۋ ماقساتىندا ارنايى مونيتورينگتىك توپ قۇرىلىپ، جۇمىس ىستەۋدە. ونىڭ قۇرامىندا مەملەكەتتىك ورگان مەن ۇكىمەتتىك ەمەس ۇيىمدار وكىلدەرى بار.
وبلىس بويىنشا ينۆاتاكسي قىزمەتىنە الەۋمەتتىك تاپسىرىس شەڭبەرىندە جەرگىلىكتى بيۋدجەتتەن 546,3 ملن تەڭگە قاراستىرىلعان. قازىرگى ۋاقىتتا 1 360 مۇگەدەكتىگى بار ادام ، سونىڭ ىشىندە 641 بالا ينۆاتاكسي قىزمەتىن پايدالانىپ وتىر.
جۇيەلى جۇمىسپەن قامتۋ – مۇمكىندىكتەردىڭ كىلتى
مۇگەدەكتىگى بار ادامداردى جۇمىسپەن قامتۋ – قوعامنىڭ دامۋى مەن الەۋمەتتىك ادىلدىكتىڭ ايقىن كورسەتكىشى. بۇگىندە ەرەكشە جانداردىڭ ەڭبەك نارىعىنا ارالاسۋى، كاسىبىن تابۋى جانە ءوز ءىسىن اشۋى باعىتىندا باتىس قازاقستان وبلىسىندا جۇيەلى جۇمىستار جۇرگىزىلىپ كەلەدى.
2025 جىلدىڭ باسىنان بەرى وبلىس بويىنشا مانساپ ورتالىقتارىنا مىڭنان استام مۇگەدەكتىگى بار ازامات جۇگىنگەن. ولاردىڭ بىرنەشە ءجۇز ادامى جۇمىسپەن قامتۋدىڭ بەلسەندى شارالارىمەن قامتىلىپ، ءبىر بولىگى تۇراقتى جۇمىسقا ورنالاسسا، باسقالارى قوعامدىق جۇمىستارعا تارتىلدى، كاسىپتىك وقۋعا جىبەرىلدى جانە ءوز كاسىبىن باستاۋ ءۇشىن مەملەكەتتەن گرانت الدى.
اتاپ ايتقاندا،60 مۇگەدەكتىگى بار ادام ءوز بيزنەس-جوباسىن جۇزەگە اسىرۋ ماقساتىندا مەملەكەتتىك گرانتقا يە بولدى. بۇل ولاردىڭ ءوز ءىسىن اشىپ، قوعام ومىرىنە بەلسەندى ارالاسۋىنا ۇلكەن مۇمكىندىك بەردى.
سونىمەن قاتار، ەرەكشە جاندار «جاستار پراكتيكاسى»،«كۇمىس جاس» جانە «العاشقى جۇمىس ورنى» جوبالارىنا قاتىسىپ، ەڭبەك تاجىريبەسىن جيناقتاپ كەلەدى. بۇل جوبالار ولاردىڭ كاسىبي بەيىمدەلۋىنە جانە جۇمىس بەرۋشىلەر تاراپىنان سەنىم ارتۋىنا سەپتىگىن تيگىزۋدە.
مۇگەدەكتىگى بار ادامدار ءۇشىن جۇمىس ورىندارىن ارنايى كۆوتالاۋ جۇيەسى دە جۇمىس ىستەيدى. قر الەۋمەتتىك كودەكسى مەن ءتيىستى مينيسترلىكتىڭ بۇيرىعىنا سايكەس، جۇمىس بەرۋشىلەر ءوندىرىس سيپاتىنا قاراي جۇمىس ورىندارىنىڭ 2–4 پايىزى كولەمىندە ەرەكشە قاجەتتىلىگى بار ازاماتتارعا ارناپ ورىن بەلگىلەيدى.
بيىل وبلىس بويىنشا 91 مۇگەدەكتىگى بار ادامعا ارنالعان جۇمىس ورنى كۆوتالانعان، ال ەسەپتى كەزەڭدە 42 ازامات وسى كۆوتا اياسىندا ناقتى جۇمىسقا ورنالاستىرىلدى. بۇل – ولاردىڭ ەڭبەك نارىعىندا ءوز ورنىن تابۋعا باعىتتالعان ناقتى ناتيجەلى جۇمىستاردىڭ ءبىرى.
جالپى العاندا، مەملەكەت تاراپىنان كورسەتىلىپ جاتقان مۇنداي قولداۋلاردىڭ تۇپكى ماقساتى – مۇگەدەكتىگى بار ادامداردىڭ الەۋەتىن اشىپ، ولاردىڭ قوعام ومىرىنە بەلسەنە ارالاسۋىنا جول اشۋ. ەڭ باستىسى – ءاربىر ازاماتتىڭ قابىلەتى مەن ەڭبەگى ەلەنىپ، بارشاعا تەڭ مۇمكىندىك جاسالۋدا.
