اقمولادا 33 لاۋازىمدى تۇلعا ساپاسىز جول ءۇشىن جاۋاپكەرشىلىككە تارتىلدى

2500
Adyrna.kz Telegram

اقمولا وبلىسىندا 33 لاۋازىمدى تۇلعا ساپاسىز جول ءۇشىن جاۋاپكەرشىلىككە تارتىلدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.

قۇزىرلى ورگان وكىلدەرى شىلدە ايىنىڭ 19-ىنان بەرى 200-دەن استام جولعا مونيتورينگ جۇرگىزىپ، بارلىعىنان كەمشىلىك انىقتاعان.

جاۋاپتى كوممۋنالدىق مەكەمەلەرگە ەسكەرتۋ جاساپ، جولدى سالعان جانە ارنايى جول بەلگىلەرىن ورناتقان ۇيىم وكىلدەرىنىڭ ارقايسىسىنا 31 مىڭ 800 تەڭگەدەن ايىپپۇل سالدى.

«جولدىڭ دۇرىس ۇستالماۋى قايعىلى وقيعالارعا الىپ كەلۋى مۇمكىن. سونداي جاعدايلاردىڭ الدىن الۋ ءۇشىن ءبىز اتالعان تەكسەرىستەردى جۇيەلى تۇردە جۇرگىزىپ وتىرامىز. ءبىزدىڭ ارالاسۋىمىزبەن رەيد باستالعان 16 كۇننىڭ ىشىندە قاۋىپتى جول بولىكتەرىنە 174 جول بەلگىسى قويىلدى. ال، جولعا مال شىعۋى مۇمكىن دەگەن ەلدى مەكەندەردىڭ تۇسىنا ءىرى قارانىڭ 19 ماكەتى ورناتىلدى»،— دەدى وبلىستىق اكىمشىلىك پوليتسيا باسقارماسىنىڭ باستىعى ەرجان قوشقارباەۆ.

پىكىرلەر