باس پروكۋراتۋرا بيشىمباەۆتىڭ ىسىنە قاتىستى مالىمدەمە جاسادى، دەپ حابارلايدى “ادىرنا” ءتىلشىسى Nur.kz-كە سىلتەپ.
ەكس-مينيستر قۋاندىق بيشىمباەۆ ايەلى سالتانات نۇكەنوۆانىڭ ولىمىنە قاتىسى بار دەگەن كۇدىككە ىلىنگەن.
مەديا-كەڭىستىكتە بيشىمباەۆقا قاتىستى قىلمىستىق ءىس بويىنشا سوتقا دەيىنگى تەرگەپ-تەكسەرۋ ناتيجەلەرىنە كۇمان كەلتىرەتىن ماتەريالدار جاريالانىپ جاتىر.
"مۇنداي مالىمەتتەردى تاراتۋ ونىڭ ناقتى ءىس بويىنشا وبەكتيۆتى جانە ءادىل سوت تورەلىگىن جۇزەگە اسىرۋىنا كەدەرگى جاساۋ ماقساتىندا سوتقا اسەر ەتۋ نىسانى رەتىندە باعالانۋى مۇمكىن. قازاقستان رەسپۋبليكاسى قىلمىستىق كودەكسىنىڭ 407-بابىنا سايكەس سوتتىڭ قىزمەتىنە ارالاسۋعا جول بەرىلمەيدى جانە ونداي ارەكەت ءۇشىن جازالانادى", - دەلىنگەن حابارلامادا
