پروديۋسەر ءمولدىر مۇقانوۆا جۋرناليست جانار بايسەمىزگە بەرگەن سۇحباتىندا جەكە ومىرىنە قاتىستى العاش رەت اشىق پىكىر ءبىلدىرىپ، ازىلكەش تۇرسىنبەك قاباتوۆپەن ارادا اجىراسۋ بولعانىن راستادى.
ونىڭ ايتۋىنشا، بۇل تاقىرىپقا بايلانىستى اڭگىمە 14 جىل بۇرىن باستالعان. بۇگىنگە دەيىن باسپاسوزگە سۇحبات بەرمەي كەلگەن پروديۋسەر وسى جولى بار شىندىعىن ءبولىستى.
"كوڭىلدەسى بار ەكەنىن ءبىلدىم. پاتەر، كولىك، قىمبات اشەكەيلەر – ءبارى سوعان بۇيىردى. ماعان وتە اۋىر بولدى. ءتىپتى ومىرمەن قوشتاسۋدى دا ويلادىم. ءبىر كۇنى «اجىراسامىز با؟» دەگەن حابارلاما كەلدى", – دەدى مۇقانوۆا.
سونداي-اق ول بالالاردىڭ اكەسىن ساعىنىپ جۇرەتىنىن ايتتى.
"بالالار جىلايدى، اكەسىن ساعىنادى. سۋرەتكە ءتۇسىپ، «اكەمە جىبەر» دەيدى. بىراق جىبەرە المايمىز، سەبەبى ول ءبىزدى بۇعاتتاپ تاستاعان. كەيدە ءوزىم دە جازامىن، كەزدەسكىم كەلەدى. بىراق تۇرسىنبەك كەشىرىم سۇراپ كەلمەدى", – دەدى پروديۋسەر.
جۋرناليست جانار بايسەمىز سۇحبات بارىسىندا ەموتسياعا بەرىلىپ، كەيىپكەرىمەن بىرگە كوز جاسىنا ەرىك بەرگەنىن جازدى. الەۋمەتتىك جەلىلەردە بۇل سۇحبات ۇلكەن تالقىلاۋ تۋعىزىپ، قولدانۋشىلار ءتۇرلى پىكىر بىلدىرۋدە.
