الماتى وبلىسىنىڭ سايماساي اۋىلىندا 6-سىنىپتا وقيتىن بالانىڭ ءمايىتى ءوز اۋلاسىنان تابىلدى. قازىر پوليتسيا بۇل وقيعاعا قاتىستى قىلمىستىق كودەكستىڭ 105-بابى ء(«وز-وزىنە قول جۇمساۋعا دەيىن جەتكىزۋ») بويىنشا ءىس قوزعاعان، دەپ حابارلايدى «ادىرنا».
ينفورمبيۋرو31 مالىمەتىنشە، مارقۇمدى 30 قازان كۇنى بۇكىل اۋىل بولىپ سوڭعى ساپارعا شىعارىپ سالعان. وقۋشىنىڭ دەنەسى 27 قازان كۇنى تابىلعان. وگەي اكەسىنىڭ تۋىستارىنىڭ ايتۋىنشا، بالا ءوز اۋلاسىنداعى اعاشقا ىلىنگەن ارقانعا اسىلىپ قالعان. سول كۇنى ۇيدە ەشكىم بولماعان دەيدى. ولار «بالاعا وگەي اكە ءجابىر كورسەتتى» دەگەندى جوققا شىعارىپ، وتباسىنىڭ تۇرمىسى ناشار بولعانىن دا تەرىسكە شىعاردى.
الايدا اۋىل تۇرعىندارىنىڭ پىكىرى مۇلدە باسقا. كورشىلەر مارقۇمنىڭ ۇيىندەگى جاعدايدىڭ جاقسى بولماعانىن، بالانىڭ ءجيى مۇڭايىپ جۇرگەنىن ايتادى.
«اعامنىڭ ەڭ سۇيىكتى بالاسى ەدى. وعان وگەي اكە بولسا دا اعام ءوزىن قويارعا جەر تاپپاي وتىر. الايدا ساراپتاماسىز، دالەلسىز ونى پەدوفيليزمگە ايىپتاۋدا. اۋەلى قۇزىرلى ورگاندار بالانىڭ قورلىق كورگەنىن ەكسپەرتيزادا انىقتاسىن. ءسوز جوق، ونداي جاعدايدا كىنالىلەر جازالانادى. بىراق قازىر ايتىلعاننىڭ ءبارى جالا»، – دەيدى مارقۇمنىڭ وگەي اكەسىنىڭ تۋىسى ەلەنا مامىتحانوۆا.
مەكتەپ ديرەكتورىنىڭ سوزىنشە، جەتكىنشەك تولىق ەمەس وتباسىندا تۇرعاندىقتان ەرەكشە باقىلاۋدا بولعان. «سوڭعى رەت 16 قازاندا ۇيىنە بارىپ، جاعدايىن كوردىك. كيىمى تازا، ساباقتان قالماعان»، – دەيدى ول. بىراق بۇل مالىمەتتى كورشىلەر راستاماي وتىر.
«جاپلى وتباسى ءوزىنىڭ تۇرمىستىق جاعدايىنا بايلانىستى ءساتسىز وتباسى رەتىندە كامەلەتكە تولماعاندار بويىنشا تىركەۋدە تۇرعان تۇرمىستىق جاعدايى سانيتارلىق تالاپتاردىڭ تومەندىگىنە بايلانىستى»، – دەيدى ا. بايتۇرسىنوۆ اتىنداعى ورتا مەكتەپتىڭ ديرەكتورى نازگۇل سارىمباەۆا.
ال «نە مولچي» قورىنىڭ جەتەكشىسى دينا ءتاڭسارى بۇل وتباسى تۋرالى دابىلدى حابار اقپان ايىندا تۇسسە دە، ءتيىستى ورگاندار ەشقانداي شارا قولدانباعانىن ايتتى.
«سايماساي اۋىلىنىڭ تۇرعىندارى بالاعا وگەي اكەسى زورلىق كورسەتۋى مۇمكىن دەپ حابار بەردى. بەلگىلى بولعانداي، وگەي اكە بۇرىن 2 رەت سوتتالعان. ال وتباسى ىشىمدىككە اۋەس. ءبىز يۋۆەنالدى پوليتسياعا دابىل قاقتىق. ولار ماسەلەنى باقىلاۋعا العانداي ەدى. ەندى جەتكىنشەكتىڭ اسىلىپ ولگەنىن ەستىپ وتىرمىز»، – دەيدى ول.
جەلىدە مارقۇمنىڭ كۇندەلىك جازباسى تارادى.
«ماعان نەگە ۇرسىپ، تەك قول كوتەرەدى؟ مەن ەشكىمگە كەرەك ەمەسپىن... مەن بوتەنمىن...» دەپ جازعان.
الماتى وبلىستىق پوليتسيا دەپارتامەنتى بالانىڭ ولىمىنە قاتىستى تەرگەۋ باستالعانىن راستادى. ءىس قىلمىستىق كودەكستىڭ 105-بابى ء(«وز-وزىنە قول جۇمساۋعا يتەرمەلەۋ») بويىنشا تىركەلگەن.
قازا بولعان جەتكىنشەك – ءۇيدىڭ ورتانشى بالاسى. ول وگەي اكەسىمەن 2021 جىلدان بەرى بىرگە تۇرعان.
