جازۋشى، فيلولوگيا عىلىمدارىنىڭ كانديداتى، قازاقستاننىڭ ەڭبەك سىڭىرگەن قايراتكەرى ماقسات ءتاج-مۇرات 66 جاسىندا ومىردەن ءوتتى، دەپ حابارلايدى "ادىرنا" ۇلتتىق پورتالى.
بۇل تۋرالى باقىتجان قوسبارماقوۆ جەلىدەگى پاراقشاسىندا حابارلادى.
"ايى جەتكەن ايدا ولەر،
كۇنى جەتكەن كۇندە ولەر،
تۋرا اجال كەلگەن جان
تاڭعا جەتپەي تۇندە ولەر، - دەگەن راس، ماقسات تاجىمۇرات اعامىز قايتىس بولىپتى", - دەلىنگەن جازبادا.
جازۋشىلار وداعى دا:
"قازاقستان جازۋشىلار وداعىنىڭ باسقارماسى كورنەكتى جازۋشى، ەسسەيست، ادەبيەتتانۋشى-عالىم، فيلولوگيا عىلىمدارىنىڭ كانديداتى، قازاقستان جازۋشىلار وداعىنىڭ مۇشەسى، قازاقستاننىڭ ەڭبەك سىڭىرگەن قايراتكەرى ماقسات ءتاج-مۇراتتىڭ دۇنيەدەن وتۋىنە بايلانىستى مارقۇمنىڭ جاقىندارى مەن تۋىستارىنا، بارشا وقىرمان قاۋىمعا قايعىرىپ كوڭىل ايتادى", - دەپ رەسمي حابار تاراتتى.
ماقسات انەسۇلى ءتاجىمۇرات 1959 جىلى اتىراۋ وبلىسى، جىلىوي اۋدانىنا قاراستى تولەس اۋىلىندا دۇنيەگە كەلگەن. ول ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن جانە دوكتورانتۋراسىن تامامداعان.
عالىم ەڭبەك جولىن ء«بىلىم جانە ەڭبەك» جۋرنالىندا ادەبي قىزمەتكەر بولىپ باستاعان. كەيىن «سوتسياليستىك قازاقستان» (قازىرگى «ەگەمەن قازاقستان») گازەتىندە ءتىلشى، «گوريزونت» – «وركەن» باسىلىمىندا باس رەداكتوردىڭ ورىنباسارى، «جالىن» جۋرنالىندا جاۋاپتى حاتشى، قازاقستان لكجو وك ءباسپاسوز سەكتورىنىڭ مەڭگەرۋشىسى قىزمەتتەرىن اتقارعان.
سونداي-اق، ءال-فارابي اتىنداعى قازاق ۇلتتىق ۋنيۆەرسيتەتىندە اعا وقىتۋشى، «قازاق ادەبيەتى» گازەتىندە باس رەداكتوردىڭ ورىنباسارى جانە «انا ءتىلى» ۇلت اپتالىعى گازەتىنىڭ باس رەداكتورى بولعان.
ماقسات ءتاجىمۇرات قازاق ادەبيەتىنىڭ تاريحى مەن تۇلعالارىن زەرتتەۋگە زور ۇلەس قوستى. ول «شاڭگەرەي: جاسامپازدىق ءومىرى» (1998), «باتىس الاشوردا: بيبليوگرافيالىق سوزدىك تاجىريبەسى» (2003) سىندى ەڭبەكتەردىڭ، سونداي-اق «عۇمار قاراش»، «كابيسا جىل» اتتى عىلىمي-زەرتتەۋ كىتاپتاردىڭ اۆتورى.
عالىمنىڭ ەڭبەكتەرى الاش قوزعالىسى مەن ونىڭ باتىس ءبولىمىنىڭ تاريحىنا ارنالعان. ول الاش قايراتكەرلەرى ا.ابىلاەۆ، ق.اسانوۆ، ع.الىبەكوۆ، ع.ەسشىعۇلوۆ، ك.ءجالشوۆ، ا.مامەتوۆ، ن.يپماعامبەتوۆ، س.قاراتىلەۋوۆ سىندى تۇلعالاردىڭ ءومىر جولىن زەرتتەپ، ولاردىڭ ەڭبەكتەرىن عىلىمي اينالىمعا ەنگىزدى.
